Nur-Sultan sotynyń sot alqasy elordada LRT jobasyn iske asyrý kezinde qarjy jymqyrý deregi boiynsha aiyptalýshylarǵa qatysty úkimdi joiyp, zańbuzýshylyqtardy joiý úshin isti prokýrorǵa qaitardy, - dep habarlaidy "Ult aqparat" Tengrinews.kz agenttigine silteme jasap.
Búgin sýdia Abai Kókjalov sot alqasynyń sheshimin jariialady.
"Sot alqasy qaýly etti: qylmystyq ister jónindegi mamandandyrylǵan aýdanaralyq sotynyń 2021 jylǵy 28 mamyrdaǵy Rashid Amanjolov, Janat Nurpeiisov, Talǵat Áshim, Ulyqbek Achilov, Timýr Qasabaev, Dýlat Mýsenov, Dáýren Ábdihamitovke qatysty úkiminiń kúshi joiyldy. Qylmystyq is júrgizý zańnamasynyń basty sot talqylaýyna kedergi keltiretin eleýli buzýshylyqtary men normalaryn joiý úshin qylmystyq is Nur-Sultan qalasynyń prokýroryna qaitaryldy", - dedi Kókjalov.
Aiyptalýshylardy "kúzetpen ustaý" bultartpaý sharasy ózgerissiz qaldy.
Eske salaiyq, 28 mamyrda LRT jobasyn iske asyrý kezinde qarjy jymqyrý isi boiynsha sottalýshylarǵa úkim shyqqan bolatyn.
Is boiynsha aiyptalýshylar 7 jyldan 10 jylǵa deiingi merzimge sottalǵan:
- Elordanyń Jolaýshylar kóligi jáne avtomobil joldary basqarmasynyń burynǵy basshysy Rashid Amanjolov 10 jylǵa bas bostandyǵynan aiyrylyp, memlekettik qyzmette qyzmet atqarý quqyǵynan aiyrylǵan, jazasyn qylmystyq-atqarý júiesi mekemesinde óteidi.
- Qalalyq máslihattyń eks-depýtaty jáne hatshysy Janat Nurpeiisov qylmystyq-atqarý júiesi mekemesinde jazasyn óteidi, ol memlekettik qyzmette qyzmet atqarý quqyǵynan aiyrylyp, 8 jylǵa bas bostandyǵynan aiyrylǵan.
- Astana Innovations AQ burynǵy basqarma tóraǵasy Talǵat Áshim ortasha qaýipsizdik mekemesinde jazasyn óteidi, ol memlekettik qyzmette jumys isteý quqyǵynan aiyrylyp, 7 jylǵa bas bostandyǵynan aiyrylǵan.
- JShS ókili Ulyqbek Achilov 8 jylǵa bas bostandyǵynan aiyrylǵan, jazasyn ortasha qaýipsizdik koloniiasynda óteidi.
- Merdigerdiń ókili Dáýren Ábdihamitov zańsyz jolmen alynǵan basqa tulǵalardyń menshigindegi múlki tárkilenip, 8 jylǵa bas bostandyǵynan aiyrylǵan.
- Merdiger ókili Dýlat Mýsenov 7 jylǵa bas bostandyǵynan aiyrylǵan.
- Merdigerdiń ókili Timýr Qasabaev 8 jylǵa bas bostandyǵynan aiyrylǵan.
Aita keteiik, LRT qurylysyna bólingen qarjyny jymqyrý isi boiynsha alǵashqy sot otyrysy 2020 jyly 29 qazanda ótti. Jeti adam 5,8 milliard teńgeni jymqyrǵany úshin aiyptaldy.
Al elorda ákiminiń burynǵy orynbasary Qanat Sultanbekov pen "Astana LRT" JShS burynǵy basshysy Talǵat Ardan halyqaralyq izdeýde júr. Jaqynda jemqorlyqpen kúres qyzmeti Talǵat Ardannyń qai elde tyǵylyp jatqanyn bilemiz dep málimdedi. Qanat Sultanbekov bolsa AQSh-ta júr.
Tergeý materialdaryna sáikes, Sultanbekov pen Ardan qylmystyq top quryp, LRT qurylysyna ketetin shyǵyndardy 24 milliard teńgege artyq kórsetken. Osy qylmysqa ákimdiktiń basqarma basshylary, sondai-aq sheteldik jáne otandyq kompaniialardyń ókilderi qatysqan. Qylmystyq top biýdjetke 5 milliard 800 million teńgeden astam shyǵyn keltirdi.
2013 jyly Qazaqstannyń Tuńǵysh Prezidenti Nursultan Nazarbaev LRT qurylysy tym qymbatqa túsetinin málimdedi. Birneshe jyldan keiin qytailyq investorlar keldi. Al 2019 jyly shilde aiynda Qasym-Jomart Toqaev jeńil relsti kólik qurylysyn synǵa alyp, osy jobanyń tiimdiligine senbeitinin aitty.
LRT-nyń qurylysy 2019 jyldyń sońynda aiaqtalady degen jospar bolǵan. Alaida qytailyq investorlar qarjylandyrýdy toqtatty. Artynan "Astana bankinde" taǵy 200 million dollardyń buǵattalyp qalǵany týraly aqparat tarady. Biyl naýryz aiynda Esep komiteti bul joba ózin aqtamaitynyn málimdedi.
Al maýsym aiynda elorda ákimi Altai Kólginov LRT qurylysynyń qaita jandanǵanyn málimdedi. LRT-ny tolyǵymen aiaqtaý úshin qosymsha 1 milliard dollar qajet.
