«استانا بالەت» تەاترى 9-10 قىركٷيەكتە ميلان قالاسىنىڭ ورتالىعىنداعى «Teatro Nuovo» ساحناسىندا ٶنەر كٶرسەتەتٸن بولادى, دەپ حابارلايدى "ۇلت اقپارات" تەاتردىڭ باسپاسٶز قىزمەتٸنە سٸلتەمە جاساپ.
تەاتر گاسترولٸ مەدەنيەت جەنە سپورت مينيسترٸگٸنٸڭ مۇرىندىق بولۋىمەن, «رۋحاني جاڭعىرۋ» ۇلتتىق باعدارلاماسىنىڭ اياسىندا جٷزەگە اسىرىلىپ وتىر.
«استانا بالەت» تەاترىنىڭ ۇجىمى «جاھانداعى زاماناۋي قازاقستان مەدەنيەتٸ» جوباسىن جٷزەگە اسىرۋعا ات سالىسىپ, وتاندىق ٶنەردٸڭ جايھارلارىن ەلەم ساحنالارىندا تانىتىپ كەلەدٸ.
«بيىل استانانىڭ 20 جىلدىعى اتالىپ ٶتۋدە. وسى وقيعانىڭ اياسىندا, بٸز, استانانىڭ ەڭ جاس تەاترىنىڭ شىعارماشىلىق ٸزدەنٸستەرٸن يتاليياندىق كٶرەرمەن نازارىنا ۇسىنباقشىمىز. ترۋپپامىز ٷشٸن, گاسترول - شىعارماشىلىقتى ىنتالاندىرۋدىڭ كٸلتٸ, ەلەمنٸڭ داڭقتى قالاسىنىڭ اۋديتوريياسى الدىندا كٷشٸمٸزدٸ سىناپ كٶرۋدٸڭ مٷمكٸندٸگٸ. تالعامپاز كٶرەرمەن بٸزگە قوشەمەت بٸلدٸرەر, دەگەن ٷمٸتتەمٸز», - دەيدٸ, تەاتر ديرەكتورى ۆالەريي كٷزەمباەۆ.
ونىڭ ايتۋىنشا, تەاتر ٶزٸندٸك ٶنەر تۋىندىلارىن ۇلتتىق مول مۇراعا سٷيەنە وتىرىپ, ەلەمدٸك مەدەنيەت ەسەرٸمەن دٷنيەگە ەكەلەدٸ.
قازاقستاننىڭ بالەت ۇجىمى «استانا بالەت گالا» اتتى مازمۇنى بٸرەگەي كونتسەرتتٸك باعدارلامانى تارتۋ ەتپەك. ونىڭ ٸشٸنە ۇلتتىق حورەوگرافييانىڭ جاۋھارلارىمەن قاتار, ترۋپپا رەپەرتۋارىنداعى نەوكلاسسيكالىق مينياتيۋرالار ەنٸپ وتىر.
باعدارلاماعا ۇلتتىق بوياۋى قانىق حورەوگرافييالىق مينياتيۋرالار مەن بالەت ٷزٸندٸلەرٸ ەنگەن. بۇل كومپوزيتسييالاردىڭ بەرٸ باي حالىق دەستٷرٸمەن, سان-قارلىلىعى جەنە مول قۋاتىمەن ەرەكشەلەنەدٸ. عاجاپ مۋزىكا, قايتالانباس كٶركەم بەينەلەر كٶرەرمەن كٶڭٸلٸن باۋراپ الادى.
ۇلتتىق تاقىرىپتان بٶلەك, كٶرەرمەن قاۋىم تەاتر رەپەرتۋارىنداعى ريكاردو امارانتە قويعان نەوكلاسسيكالىق سپەكتاكلدەردٸڭ ٷزٸندٸلەرٸن تاماشالاي الادى. ونىڭ «Love Fear Loss, «A fuego lento» بالەتتەرٸ كٶرەرمەننٸڭ ىستىق ىقىلاسىنا بٶلەنٸپ كەلەدٸ.
