قازاقستان حالقى اسسامبلەياسى «جاڭعىرۋ جولى» رەسپۋبليكالىق جاستار قوزعالىسىنىڭ مٷشەسٸ ەلينا پاۋلي قازاق تٸلٸن تانىمال ەتۋدٸڭ تىڭ تەسٸلٸن ۇسىندى, دەپ حابارلايدى قازاقپارات.
«بٸز مەملەكەتتٸك تٸلدٸ دامىتۋ تۋرالى باستامالاردى قولداي وتىرىپ زاماناۋي فورماتتا جۇمىس ٸستەۋٸمٸز كەرەك. مىسالى, تاتارستاندا جىل سايىن كٷزدە «تاتارشا ديكتانت جاز» اتتى دٷنيەجٷزٸلٸك اكتسييا ٶتەدٸ. وعان ەلەمنٸڭ 50 ەلٸنەن ٶكٸلدەر قاتىسادى. تٸلدٸ ناسيحاتتايتىن بۇل اكتسييا بٷكٸل ەلەمگە تارالدى. نەگە بٸز بۇل تەجٸريبەنٸ قولدانا المايمىز? ەرينە, بٸزدە ەرتٷرلٸ مەملەكەتتٸك تٸلدٸ ناسيحاتتايتىن ديكتانتتار ٶتكٸزٸلەدٸ. بٸراق, ەدەتتە, بٸرىڭعاي اۋقىمدى فورمات جوق. ونداي شارالار الدىن الا حابارلانباي, ەلەۋمەتتٸك جەلٸلەردە جارنامالانباي ۇيىمداستىرىلادى. ول ديكتانتتى قازاقستان اۋماعىنان تىس جەرلەرگە دە تاراتۋعا بولادى. قازٸر ەلەمنٸڭ كٶپتەگەن ەلدەرٸندە, ەسٸرەسە تمد ەلدەرٸندە اباي ورتالىقتارى بار. سولاردىڭ قولداۋمەن وسى جۇمىستى اتقارۋعا بولادى», - دەدٸ جاستاردىڭ ٶكٸلٸ پرەزيدەنت جولداۋىن تالقىلاۋعا ارنالعان دٶڭگەلەك ٷستەلدە.
سونداي-اق, ول مەملەكەتتٸك تٸلدٸڭ قولدانىس اياسىن كەڭەيتۋدە قازاقستان حالقى اسسامبلەياسىنىڭ جاستارىنا زور مٸندەت ارتىلىپ وتىرعانىن جەتكٸزدٸ.
«تٸل - حالىق جانىن تانۋدىڭ كٸلتٸ. قازاقستاندىقتاردىڭ بٸرلٸگٸن نىعايتۋدىڭ ماڭىزدى فاكتورى رەتٸندە مەملەكەتتٸك تٸلدٸڭ قوعامداعى رٶلٸن ارتتىرۋ ارقىلى ونى ودان ەرٸ دامىتۋ جەنە ناسيحاتتاۋ – اسسامبلەيا جاستارى مٸندەتتەرٸنٸڭ بٸرٸ. بٸز ەرتەڭ اتا-انا بولىپ ٶز بالالارىمىزدىڭ بولاشاعىن ويلاي وتىرا, ولاردىڭ قازاق تٸلٸن بٸلۋٸنە مٷمكٸندٸك بەرٸپ, قولداۋىمىز كەرەك. مەملەكەت تاراپىنان بٷكٸل جاعداي جاسالىپ وتىر», - دەدٸ «جاڭعىرۋ جولى» رەسپۋبليكالىق جاستار قوزعالىسىنىڭ مٷشەسٸ.
ونىڭ ايتۋىنشا, قازاق تٸلٸ قازاقستان حالقى بٸرلٸگٸنٸڭ بٸردەن-بٸر فاكتورى بولۋعا تيٸس.
«بٸزدەر, كٶپۇلتتى ەلٸمٸزدٸڭ ازاماتتارى قيىن-قىستاۋ زاماندا تٷرلٸ ۇلتتار مەن ۇلىستاردى باۋىرىنا باسىپ, قۇشاق جايا قارسى العان قاسيەتتٸ قازاق حالقىنا قارىزدارمىز. سوندىقتان, ەلٸمٸزدٸڭ تٸلٸن مەڭگەرۋ - كٶپۇلتتى جاستاردىڭ, قازاقستاندىقتاردىڭ باستى ماقساتى», - دەدٸ ەلينا پاۋلي.
