فوتو: Gov.kz
بٷگٸن ٶتكەن دەستٷرلٸ تامىز كەڭەسٸندە مەملەكەت باسشىسى مۇعالٸمدەردٸڭ قۇقىقتارىن قورعاۋدىڭ ماڭىزدىلىعىن تاعى دا اتاپ ٶتٸپ, پروكۋراتۋراعا پەداگوگتاردى ٶزدەرٸنە تەن ەمەس جۇمىستارعا تارتۋ فاكتٸلەرٸن جويۋدى تاپسىردى, دەپ حابارلايدى Ult.kz.
دەپۋتات اسحات ايماعامبەتوۆتىڭ ايتۋىنشا, ايماقتاردا ەلٸ كٷنگە دەيٸن زاڭ تالاپتارى ٶرەسكەل بۇزىلىپ وتىر. مىسالى, جازدا مۇعالٸمدەردٸ سۋ قويمالارىنىڭ قاسىندا كەزەكشٸلٸككە قويۋ, مەكتەپ بٸتٸرۋ كەشتەرٸندە نەمەسە قالالىق شىرشالاردى بەزەندٸرۋ جۇمىستارىندا پايدالانۋ – زاڭعا قايشى ەرەكەت.
ايماعامبەتوۆ مەكتەپ پەن اتا-انا اراسىنداعى جاۋاپكەرشٸلٸكتٸ ناقتى اجىراتۋ قاجەتتٸگٸن دە كٶتەردٸ. ونىڭ پٸكٸرٸنشە, وقۋشى ساباقتان تىس ۋاقىتتا قۇقىق بۇزۋشىلىق جاساسا, ديرەكتوردى نەمەسە سىنىپ جەتەكشٸسٸن جازالاۋ – ەدٸلەتسٸز ەرٸ زاڭسىز. بۇل قاعيداتتى زاڭدا ناقتى بەكٸتۋ ٷشٸن ارنايى تٷزەتۋلەر ەزٸرلەنٸپ جاتىر.
"پرەزيدەنت ەرقاشان پەداگوگتار مەن مەكتەپتەردٸ قورعايدى. مۇعالٸم ٶزٸنە قاتىسى جوق وقيعالار ٷشٸن جاۋاپ بەرمەۋٸ تيٸس. بۇل – ەدٸلەت مەسەلەسٸ عانا ەمەس, سونىمەن قاتار مۇعالٸم بەدەلٸ مەن ەل دامۋىنا تٸكەلەي ەسەر ەتەتٸن فاكتور", – دەدٸ دەپۋتات.
ايماعامبەتوۆ بىلتىر مۇعالٸمدەردٸڭ قۇقىقتارىن بۇزعانى ٷشٸن جاۋاپكەرشٸلٸكتٸ كٷشەيتەتٸن تٷزەتۋلەر ەنگٸزٸلگەنٸن ەسكە سالدى. ول بۇل باستاما پرەزيدەنتتٸڭ تاپسىرماسىنان كەيٸن قولداۋ تاباتىنىنا سەنٸم بٸلدٸردٸ.
دەپۋتاتتىڭ ايتۋىنشا, بٸلٸم بەرۋ – ستراتەگييالىق سالا, مۇندا مۇعالٸم قۇقىعىن قورعاۋدان باستاپ مەكتەپتەگٸ تاماقتانۋ ساپاسىنا دەيٸنگٸ ەربٸر دەتال – ەلدٸڭ بولاشاعىنا سالىنعان ينۆەستيتسييا.
