Foto: Gov.kz
Búgin ótken dástúrli Tamyz keńesinde Memleket basshysy muǵalimderdiń quqyqtaryn qorǵaýdyń mańyzdylyǵyn taǵy da atap ótip, prokýratýraǵa pedagogtardy ózderine tán emes jumystarǵa tartý faktilerin joiýdy tapsyrdy, dep habarlaidy Ult.kz.
Depýtat Ashat Aimaǵambetovtyń aitýynsha, aimaqtarda áli kúnge deiin zań talaptary óreskel buzylyp otyr. Mysaly, jazda muǵalimderdi sý qoimalarynyń qasynda kezekshilikke qoiý, mektep bitirý keshterinde nemese qalalyq shyrshalardy bezendirý jumystarynda paidalaný – zańǵa qaishy áreket.
Aimaǵambetov mektep pen ata-ana arasyndaǵy jaýapkershilikti naqty ajyratý qajettigin de kóterdi. Onyń pikirinshe, oqýshy sabaqtan tys ýaqytta quqyq buzýshylyq jasasa, direktordy nemese synyp jetekshisin jazalaý – ádiletsiz ári zańsyz. Bul qaǵidatty zańda naqty bekitý úshin arnaiy túzetýler ázirlenip jatyr.
"Prezident árqashan pedagogtar men mektepterdi qorǵaidy. Muǵalim ózine qatysy joq oqiǵalar úshin jaýap bermeýi tiis. Bul – ádilet máselesi ǵana emes, sonymen qatar muǵalim bedeli men el damýyna tikelei áser etetin faktor", – dedi depýtat.
Aimaǵambetov byltyr muǵalimderdiń quqyqtaryn buzǵany úshin jaýapkershilikti kúsheitetin túzetýler engizilgenin eske saldy. Ol bul bastama Prezidenttiń tapsyrmasynan keiin qoldaý tabatynyna senim bildirdi.
Depýtattyń aitýynsha, bilim berý – strategiialyq sala, munda muǵalim quqyǵyn qorǵaýdan bastap mekteptegi tamaqtaný sapasyna deiingi árbir detal – eldiń bolashaǵyna salynǵan investitsiia.
