بٷگٸن ەلورداداعى قازاق مەملەكەتتٸك زاڭ ۋنيۆەرسيتەتٸ عيماراتىندا بٸلٸم سالاسىنداعى «ادالدىق الاڭى» جوبالىق كەڭسەسٸ اشىلدى, دەپ حابارلايدى قازاقپارات تٸلشٸسٸ.
جوبالىق كەڭسەنٸڭ اشىلۋ رەسٸمٸنە بٸلٸم جەنە عىلىم مينيسترٸ اسحات ايماعامبەتوۆ پەن سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ ارنايى قاتىسىپ, تيٸستٸ مەموراندۋمعا قول قويدى.
«بٷگٸن بٸز بٸلٸم سالاسى بويىنشا جوبالىق كەڭسە اشقالى وتىرمىز. جالپى, بٸلٸم سالاسىندا جەمقورلىقپەن كٷرەستٸ كٷشەيتٸپ, جەمقورلىققا مٷلدەم تٶزبەۋشٸلٸك مەدەنيەتٸن قالىپتاستىرۋ قاجەت. ٶزدەرٸڭٸز كٶرٸپ تە وتىرسىزدار, بٸلٸم سالاسىندا قازٸر بٸراز كەلەڭسٸز وقيعالار ورىن الۋدا. بٸلٸم - ٶتە اۋقىمدى سالا. 10-15 ميلليون قازاقستان ازاماتىنىڭ بٸلٸم سالاسىنا قالاي بولسا دا, كٷندەلٸكتٸ قاتىسى بار. تەك مۇعالٸمدەردٸڭ ٶزٸ 300 مىڭعا جۋىقتايدى. بٸلٸم سالاسىندا بولىپ جاتقان مەسەلەلەردٸڭ بارلىعى حالىقتىڭ باستى نازارىندا ەكەنٸ بەلگٸلٸ. سوندىقتان بٸز وسىنداي شەشٸم قابىلدادىق», - دەدٸ قۇجاتقا قول قويۋ رەسٸمٸندە بٸلٸم مينيسترٸ.
ال اگەنتتٸك تٶراعاسى اليك شپەكباەۆ قازاق مەملەكەتتٸك زاڭ ۋنيۆەرسيتەتٸ ەلٸمٸزدەگٸ سىبايلاس جەمورلىقتىڭ «يٸسٸ» دە جوق جوعارى وقۋ ورىندارىنىڭ بٸرٸ سانالاتىنىن باسا ايتتى.
«قازاقستان بٷگٸنگٸ تاڭدا جەمقورلىقتان تازا, زاماناۋي مەملەكەت قۇرۋدا. زاماناۋي ەلدٸڭ ەڭ نەگٸزگٸ باسىمدىعى - اشىقتىق, ايقىندىق, قوعام الدىندا ەسەپ بەرەتٸن مەملەكەت تٷزۋ. مۇنان كەيٸنگٸ باسىمدىق - كەسٸبي, دەربەس, ەكونوميكالىق تۇرعىدا ىنتالاندىرىلعان مەملەكەتتٸك اپپارات قالىپتاستىرۋ», - دەدٸ اليك شپەكباەۆ.
