فوتو: Aikyn.kz
مەجٸلٸس دەپۋتاتى نارتاي سەرسەنعاليەۆ ەسكەردەگٸ ەلٸمجەتتٸك ەلٸ دە ٶرشٸپ تۇر دەگەن پٸكٸردە, دەپ حابارلايدى "ۇلت اقپارات" inbusiness.kz سايتىنا سٸلتەمە جاساپ.
"ەلٸن, مەملەكەتٸن, وتانىن قورعايمىن دەپ ەسكەرگە شابىتپەن اتتانعان بالالار تابىتپەن ورالماۋى كەرەك. ٶزٸمٸز كٶرٸپ جاتىرمىز, ساپ-ساۋ كەتكەن بالالار ەسكەرگە بارادى, 5-10 مىڭ تەڭگەدەن ەركٸمنەن اقشا سۇرايدى, ەڭ سوڭىندا مٷگەدەك بولىپ تٶسەككە تانىلىپ كەلٸپ جاتىر. وسىدان كەيٸن "ەسكەرگە بالاڭدى جٸبەر, وتان قورعاۋى كەرەك" دەپ بٸز قاي اتا-اناعا ايتامىز, كٸمدٸ مٸندەتتەيمٸز, كٸمدٸ ٷگٸتتەيمٸز – سۇراق وسىندا. سوندىقتان دا مەن ەسكەردەگٸ ەلٸمجەتتٸك ەلٸ دە ٶرشٸپ تۇر دەگەن پٸكٸردەمٸن. مۇنى جوققا شىعارا المايمىز",- دەدٸ حالىق قالاۋلىسى ٷكٸمەت ٷيٸنٸڭ كۋلۋارىندا.
سٶزٸنشە, ەسكەردەگٸ ەلٸمجەتتٸكتەن زارداپ شەككەن بالالارعا قاتىستى تەرگەۋدٸ دە مۇقييات قاراۋ كەرەك.
"جۋىردا بٸزدٸڭ باۋىرىمىز (رەد. – سارباز ەربايان مۇحتار) زارداپ شەكتٸ. الماتىدا قارالدى, قازٸر ٷيٸنە ورالدى. حالقىمىز 200 ملن تەڭگەدەن استام قارجى جيناپ بەردٸ. بٸراق دارداي بالانىڭ ەسكەردەگٸ ەجەتحانانىڭ ٸشٸندە قۇلاپ, باسىن جارىپ الدى دەگەنٸ اقىلعا قونا ما, جوق پا? مەن بۇل نۇسقاعا مٷلدەم سەنبەيمٸن. سوندىقتان دا ەسكەردەگٸ ەلٸمجەتتٸكتٸ توقتاتۋ كەرەك, رەفورما قاجەت. جۋرناليستٸك مانسابىمدا تيٸستٸ مينيسترلٸكپەن سۇحباتتاسقان كەزدە ولار بارلىق جەرگە بەينەباقىلاۋ كامەرالارىن قويامىز دەدٸ, بارلىق جەرگە قويىلسا, ول بەينەكامەرا مەن نەتيجەسٸ قايدا? (...) ەسكەردەن بٶلەك, سول بولعان جاعدايدى تەكسەرەتٸن, تەرگەيتٸن ورگانداردىڭ اراسىندا قانداي دا بٸر سىبايلاستىق بار ما دەگەن مەندە كٷمەن تۋادى. مۇنى جوققا شىعارا المايمىن. بۇل مەسەلەمەن جٸتٸ اينالىسۋىمىز كەرەك", - دەدٸ سەرسەنعاليەۆ.
ول ەسكەرگە تولىققاندى رەفورما جاساۋ قاجەت دەگەن پٸكٸردە.
ٶز كەزەگٸندە دەنساۋلىق ساقتاۋ مينيسترٸ اقمارال ەلنازاروۆا ەسكەردەن مٷگەدەك بوپ ورالعان ەربايان مۇحتارعا قاتىستى پٸكٸر بٸلدٸردٸ.
"مەديتسينالىق كٶمەكتٸڭ ەسكەري ۆەدومستۆولىق قىزمەتتٸڭ ماماندارىمەن كٶرسەتٸلەتٸنٸن ايتا كەتۋ كەرەك. بٸراق بٸز دەنساۋلىق ساقتاۋ مينيسترلٸگٸ ٶز تاراپىنان بۇل مەسەلەنٸ ۇستاپ وتىر. تيٸستٸ كونسيليۋم جٷرگٸزۋگە, باسقا دا كٶمەك كٶرسەتۋگە تولىعىمەنەن دايىنبىز. بٸز بۇل جۇمىستى اتقارىپ جاتىرمىز. نەگٸزٸ دسم تاراپىنان بۇل مەسەلە باقىلاۋدا", - دەدٸ ول.
سٶزٸنشە, ەسكەر قاتارىندا بورىشىن ٶتەپ جٷرگەن جاس ساربازداردىڭ دەنساۋلىعىنا تيٸستٸ مەديتسينالىق كوميسسييا قارايدى.
