بٷگٸن قازاقستان رەسپۋبليكاسىنىڭ پارلامەنتٸنە 25 جىل تولدى. بۇل تۋرالى قر پارلامەنتٸ سەناتىنىڭ تٶراعاسى مەۋلەن ەشٸمباەۆ Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
«بٷگٸن قازاقستان رەسپۋبليكاسىنىڭ پارلامەنتٸنە 25 جىل تولىپ وتىر. وسىدان تۋرا شيرەك عاسىر بۇرىن قوس پالاتالى پارلامەنتٸمٸزدٸڭ العاشقى سەسسيياسى اشىلعان ەدٸ. سودان بەرٸ زاڭ شىعارۋ ورگانى ٶزٸنە جٷكتەلگەن مٸندەتتٸ ابىرويمەن اتقارىپ كەلەدٸ. وسى جىلدار ٸشٸندە ەلٸمٸزدە ەلباسىمىز نۇرسۇلتان ەبٸشۇلى نازارباەۆتىڭ باستاماسىمەن بٸرقاتار ساياسي, ەكونوميكالىق جەنە ەلەۋمەتتٸك رەفورمالار تابىستى ٸسكە اسىرىلدى. كٶپتەگەن تىڭ باعدارلامالار مەن جوبالار قولعا الىندى. سونىڭ بەرٸندە پارلامەنت ەرەكشە رٶل اتقاردى. سەبەبٸ, پارلامەنت ساپالى زاڭدار ارقىلى ۇلتتىق مٷددە جولىندا اتقارىلعان ەر جۇمىستىڭ قۇقىقتىق نەگٸزٸن قالىپتاستىرىپ وتىردى. قازٸرگٸ كەزەڭدە مەملەكەت باسشىسى قاسىم-جومارت كەمەلۇلى توقاەۆتىڭ كەشەندٸ جاڭعىرۋ باعدارلاماسىن سەتتٸ جٷزەگە اسىرۋدى زاڭنامالىق تۇرعىدان قامتاماسىز ەتۋ – پارلامەنتتٸڭ باستى مٸندەتٸ», - دەدٸ سەنات سپيكەرٸ.
مەۋلەن ەشٸمباەۆتىڭ اتاپ ٶتۋٸنشە, شيرەك عاسىردا پارلامەنت وتانىمىزدىڭ ٶسٸپ-ٶركەندەۋٸنە ىقپال ەتەتٸن 2 940 زاڭ قابىلداعان ەكەن. ونىڭ 200-دەن استامىنا دەپۋتاتتار باستاماشى بولدى. حالىق قالاۋلىلارى تەك زاڭ شىعارىپ قانا قويماي, دەپۋتاتتىق ساۋالدار ارقىلى دا قوعامدى الاڭداتقان كٶپتەگەن مەسەلەنٸڭ وڭ شەشٸلۋٸنە اتسالىسىپ كەلەدٸ. مەسەلەن, 25 جىلدا تەك سەناتورلاردىڭ ٶزدەرٸ 2 140 ساۋال جولداپ, حالىقتىڭ ٷنٸن بيلٸككە جەتكٸزە بٸلدٸ.
«سوڭعى كونستيتۋتسييالىق رەفورمانىڭ نەتيجەسٸندە ەلٸمٸزدە پارلامەنتتٸڭ ٶكٸلەتتٸگٸ كٷشەيتٸلگەنٸ بەلگٸلٸ. سول ارقىلى زاڭ شىعارۋ قىزمەتٸنە تىڭ سەرپٸن بەرٸلدٸ. پرەزيدەنتٸمٸزدٸڭ باستاماسىمەن پارلامەنتتٸك وپپوزيتسييا ينستيتۋتىنىڭ زاڭمەن بەكٸتٸلۋٸ دە ٶكٸلدٸ ورگاننىڭ بەدەلٸن ٶسٸرگەن ماڭىزدى قادام بولدى. سونداي-اق, حالىقارالىق ىنتىماقتاستىقتى نىعايتۋ مەسەلەسٸندە پارلامەنتتٸڭ الار ورنى بٶلەك. بٷگٸندە بارلىق سەرٸكتەس مەملەكەتتەردٸڭ پارلامەنتتەرٸمەن تىعىز بايلانىس ورنادى. پارلامەنتارالىق ۇيىمدارمەن دە قارىم-قاتىناس جٷيەلٸ جولعا قويىلدى, - دەدٸ ول.
ونىڭ پايىمىنشا, قازٸرگٸ تاڭدا قوس پالاتالى پارلامەنت تولىق قالىپتاسىپ جەنە ٶزٸن بيلٸكتٸڭ نەگٸزگٸ تارماقتارىنىڭ بٸرٸ ەكەنٸن ٸس جٷزٸندە ناقتى دەلەلدەپ ٷلگەردٸ.
«شىن مەنٸندە, زاڭ قابىلداۋ بارىسىندا مەجٸلٸستٸڭ دە, سەناتتىڭ دا ماڭىزى زور. بۇل جەردە, ەڭ الدىمەن, تۇتاس ەلدٸڭ جەنە ەر ٶڭٸر مەن ەر ازاماتتىڭ مٷددەسٸ ەرەكشە نازارعا الىنادى. سول سەبەپتٸ, زاڭ جوبالارىن قاراۋ كەزٸندە وسى مەسەلەلەرگە باسا مەن بەرٸلەدٸ. پارلامەنتتە پالاتا وتىرىستارىنان بٶلەك, ٶزەكتٸ تاقىرىپتارعا ارنالعان پارلامەنتتٸك تىڭداۋلار, ٷكٸمەت ساعاتتارى, كٶشپەلٸ وتىرىستار, دٶڭگەلەك ٷستەلدەر, كوميتەتتەردٸڭ وتىرىستارى جەنە تاعى دا باسقا ٸس-شارالار جۇمىستىڭ نەگٸزگٸ باعىتتارى بولىپ سانالادى. ەرٸپتەستەرٸمدٸ پارلامەنتتٸڭ 25 جىلدىعىمەن قۇتتىقتاي وتىرىپ, زاڭ شىعارۋ بيلٸگٸن جٷزەگە اسىراتىن ەڭ جوعارى ٶكٸلدٸ ورگان الداعى ۋاقىتتا دا تەۋەلسٸز قازاقستاننىڭ ودان ەرٸ دامۋى ٷشٸن نەتيجەلٸ قىزمەت ەتە بەرەدٸ دەپ سەنەمٸن», - دەدٸ مەۋلەن ەشٸمباەۆ.
.jpeg)