بٷگٸن سەناتتا مەملەكەت باسشىسىنىڭ تاپسىرماسى بويىنشا جارىق كٶرگەن «اشارشىلىق. گولود. 1928-1934. دەرەكتٸ حرونيكا» اتتى جاڭا ەڭبەك كٶپشٸلٸككە تانىستىرىلدى, دەپ حابارلايدى "ۇلت اقپارات".
سەنات سپيكەرٸ مەۋلەن ەشٸمباەۆتىڭ ايتۋىنشا, شارا ساياسي قۋعىن-سٷرگٸن جەنە اشارشىلىق قۇرباندارىن ەسكە الۋ كٷنٸ قارساڭىندا ارنايى ۇيىمداستىرىلىپ وتىر.
«ٷش تومدىق كٸتاپتا زوبالاڭ جىلدارعا قاتىستى تىڭ دەرەكتەر مەن تاريحي قۇجاتتار جيناقتالعان. ولار اشارشىلىقتىڭ العىشارتتارى جەنە تراگەدييالىق سالدارى تۋرالى مەلٸمەتتەردٸ قامتيدى. بارلىق قۇجاتتار ەلٸمٸزدٸڭ ورتالىق جەنە ٶڭٸرلٸك ارحيۆتەرٸنەن الىندى. باسقا مەملەكەتتەردٸڭ ارحيۆتەرٸندە ساقتالعان دەرەكتەر دە جيناققا ەنگٸزٸلدٸ. سونىڭ نەتيجەسٸندە بۇرىن قولعا تٷسٸرۋ قيىن بولىپ كەلگەن جەنە بۇعان دەيٸن جارييالانباعان بٸرقاتار مەلٸمەتتەر كٶپشٸلٸك ٷشٸن قولجەتٸمدٸ بولىپ وتىر. جاڭا تۋىندى ۋنيۆەرسيتەتتەرگە, عىلىمي زەرتتەۋ ينستيتۋتتارىنا جەنە ورتالىق, ٶڭٸرلٸك كٸتاپحانالارعا جٸبەرٸلەدٸ. جالپى, اشارشىلىقتىڭ زاردابى ۇلتىمىز ٷشٸن ٶتە اۋىر بولعانى بەلگٸلٸ. بۇل باعىتتا اشىلماعان اقيقاتتار مەن جازىلماعان جايتتار ەلٸ دە از ەمەس. سوندىقتان پرەزيدەنتٸمٸز وسى تاقىرىپتى زەرتتەۋ تۋرالى ناقتى تاپسىرما بەرگەن ەدٸ. سونىڭ اياسىندا سەنات اقپان ايىندا اۋقىمدى دٶڭگەلەك ٷستەل ٶتكٸزدٸ. بٷگٸن تانىستىرىلعان ەڭبەكتٸ سول ٸس-شارانىڭ نەتيجەسٸ جەنە سەناتتىڭ اشارشىلىقتى زەرتتەۋگە قوسقان ناقتى ٷلەسٸ دەپ ايتۋعا بولادى» دەپ جازادى مەۋلەن ەشٸمباەۆ Facebook پاراقشاسىندا.
سەنات تٶراعاسى وسى رەتتە بار بولعانى ٷش-اق ايدىڭ ٸشٸندە مىڭنان استام ارحيۆ قۇجاتتارىن جيناپ, قۇندى دٷنيە دايىنداعان اۆتورلاردىڭ ەڭبەگٸن ەرەكشە اتاپ ٶتتٸ.
«ەلدٸك مٷددە جولىندا ايانباي جۇمىس ٸستەگەن بەرٸك ەبدٸعاليۇلى باستاعان ۇجىمعا, رەداكتسييا القاسىنا جەنە قولداۋ كٶرسەتكەن بارشا ازاماتتارعا ريزاشىلىعىمىزدى بٸلدٸرەمٸز. ەرينە, بۇل ٸستە بٸر كٸتاپپەن شەكتەلٸپ قالۋعا بولمايتىنى تٷسٸنٸكتٸ. قۇجاتتار مەن دەرەكتەردٸ ەرٸ قاراي دا جيناقتاۋ قاجەت. سونىمەن بٸرگە جارييالانعان مەلٸمەتتەردٸڭ نەگٸزٸندە جان-جاقتى عىلىمي زەرتتەۋ جٷرگٸزۋ دە - ماڭىزدى ماقساتتاردىڭ بٸرٸ. ول ٷشٸن مەملەكەتتٸك ورگاندار تاراپىنان تيٸستٸ قولداۋ كٶرسەتٸلە بەرەدٸ. سوندىقتان الداعى ۋاقىتتا بۇل سالادا كەشەندٸ جەنە جٷيەلٸ جۇمىستار جالعاسادى دەپ سەنەمٸز. كٶپشٸلٸككە جول تارتقان جاڭا ەڭبەكتٸڭ تاريحىمىزدىڭ اقتاڭداق بەتتەرٸن اشۋعا, تەۋەلسٸزدٸگٸمٸزدٸ نىعايتۋعا جەنە ۇلت ساناسىن جاڭعىرتۋعا قوسار ٷلەسٸ مول بولسىن!» دەيدٸ مەۋلەن ەشٸمباەۆ.
ەسكە سالا كەتەيٸك, بٷگٸن سەناتتا ساياسي قۋعىن-سٷرگٸن جەنە اشارشىلىق قۇرباندارىن ەسكە الۋ كٷنٸ قارساڭىندا «اشارشىلىق. گولود. 1928-1934. دەرەكتٸ حرونيكا» ٷش تومدىق جيناعى تانىستىرىلدى.
جيىندا سٶز العان سەنات تٶراعاسى مەۋلەن ەشٸمباەۆ تەۋەلسٸزدٸكتٸڭ 30 جىلدىعى اياسىندا وسىنداي ٸس-شارالاردىڭ ماڭىزى زور ەكەنٸن ايتتى.
«تەۋەلسٸزدٸگٸمٸزدٸ ۇلىقتاۋ سەتٸندە تويعا ەمەس, ويعا باسىمدىق بەرۋ, ٶتكەنٸمٸزدەن ٶنەگە الۋ – بٸزدەر ٷشٸن زور مٸندەت. مەملەكەت باسشىسى 30 جىلدىقتى اتاپ ٶتۋگە ارنالعان العاشقى وتىرىستا وسى مەسەلەگە باسا مەن بەردٸ. پرەزيدەنتٸمٸز ايتقانداي, ەگەمەندٸكتٸڭ بٷگٸنگٸ بەلەسٸ ەلدٸڭ جاڭا كەلبەتٸ مەن ۇلتتىڭ جاڭا بولمىسىن قالىپتاستىرۋعا قىزمەت ەتۋٸ كەرەك. بۇل رەتتە, تاريحي سانانى جاڭعىرتاتىن جەنە بوستاندىقتىڭ قادٸر-قاسيەتٸن ارتتىراتىن ٸس-شارالار اسا ماڭىزدى», – دەدٸ مەۋلەن ەشٸمباەۆ.
