قر جوعارعى سوتىنىڭ تٶراعاسى جاقىپ اسانوۆ سوت شەشٸمدەرٸن ازاماتتارعا تٷسٸندٸرۋدٸڭ قانشالىقتى پايدالى ەكەنٸن ايتىپ بەردٸ, دەپ حابارلايدى قازاقپارات تٸلشٸسٸ.
«بٸز 2018 جىلدىڭ 15 قاڭتارىنان باستاپ رەسپۋبليكا بويىنشا پيلوتتىق جوبا باستاعان ەدٸك. وسى پيلوتتىق جوبا اياسىندا سۋديالار ٶزٸنٸڭ شەشٸمٸن, ٷكٸمٸن نەمەسە قاۋلىسىن جارييالاعان كەزدە ازاماتتارعا ونى بٸردەن تٷسٸندٸرەتٸن بولعان. وسى پيلوتتىق جوبانىڭ باستالعانىنا ەكٸ ايداي ۋاقىت بولىپ, بٸر ايدىڭ قورىتىندىسىن قازٸر تالداپ وتىرساق, وسى ارالىقتا 7347 سوت شەشٸمٸ بويىنشا تٷسٸندٸرۋ جۇمىستارى جٷرگٸزٸلٸپتٸ. سول ٸستەردٸڭ ٸشٸندە تەك 142 ٸسكە قاتىستى شاعىم تٷسكەن. بۇل - ٸستەردٸڭ 1,9 پايىزى عانا. بۇل - بٸز ٷشٸن ارمان. بٸزدە 10-نان, تٸپتٸ كەيبٸر كاتەگورييالار بويىنشا قايتا شاعىم تٷسكەن ٸستەردٸڭ ٷلەسٸ 20 پايىزعا جەتٸپ جاتادى. دەمەك, ادامدار سوت شەشٸمٸن, تٸپتٸ جەڭٸلٸپ قالعان كٷننٸڭ ٶزٸندە, تٷسٸنگەننەن سوڭ ەشقانداي قارسىلىقسىز قابىلدايدى», - دەدٸ اسانوۆ جوعارعى سوتتىڭ بٷگٸنگٸ جالپى وتىرىسىندا.
جوعارعى سوت تٶراعاسى, سونىمەن بٸرگە, ناقتى مىسالداردى كەلتٸردٸ.
«مەسەلەن, سقو سوتتارىندا 274 سوت شەشٸمٸ تٷسٸندٸرٸلٸپ, 1 سوت شەشٸمٸ بويىنشا عانا قايتا شاعىم تٷسكەن. ال ەندٸ قاراڭىز, سوت شەشٸمٸ تٷسٸندٸرٸلگەننەن كەيٸن اقمولا, بقو, وقو وبلىستارىندا بٸردە-بٸر ٸسكە قاتىستى شاعىم تٷسپەگەن. بٸز ەربٸر ٸستٸ كەسٸبي تٷردە تٷسٸندٸرەتٸن بولساق, وندا جوعارعى ينستانتسيياعا, ەسٸرەسە استاناعا تٷسەتٸن شاعىمداردىڭ اناعۇرلىم ازاياتىنىنا سەنٸمٸم كەمٸل. سول كەزدە جوعارعى سوت كاسساتسييالىق دەڭگەيدە ٸستەردٸڭ بەرٸن قاراپ, بارلىق كەدەرگٸلەردٸ جويار ەدٸ», - دەدٸ جاقىپ اسانوۆ.
ەسكە سالا كەتسەك, جوعارعى سوتتىڭ بٷگٸنگٸ وتىرىسىندا سوت شەشٸمٸن قۇراستىرۋ ەدٸسٸ بويىنشا نورماتيۆتٸك قاۋلىنىڭ جوباسى تانىستىرىلدى.
