فوتو: ەدٸلبەك ىبىرايىمۇلىنىڭ مۇراعاتىنان
جۋىردا الماتى قالاسىنداعى «Arna-b» باسپاسىنان جازۋشى, جۋرناليست, حالىقارالىق «الاش» جەنە «دارابوز» ەدەبي سىيلىقتارىنىڭ لاۋرەاتى ەدٸلبەك ىبىرايىمۇلىنىڭ جاڭا رومانى – «ارزۋ» جارىق كٶردٸ, دەپ حابارلايدى Ult.kz.
تۋىندىدا قازاق ەلٸنٸڭ قازٸرگٸ جاعدايى, عارىشتى يگەرۋ, جەرٸمٸزدەگٸ سيرەك مەتالل مەن دەيتەريي سۋى, وعان قىزىعۋشىلىق تانىتقان الپاۋىت دەرجاۆالاردىڭ استامشىل پيعىلى, دٸني نانىم-سەنٸمدەردٸڭ بەلەڭ الۋى سەكٸلدٸ ٶزەكتٸ مەسەلەلەر كٶركەم تٸلمەن ٶربٸتٸلەدٸ.
«ارزۋ» – پارسى تٸلٸنەن ەنگەن سٶز. ماعىناسى – ارمان-تٸلەك, قالاۋ-نيەت, قۇشتارلىق. سونىمەن قاتار بۇل سٶز ادامنىڭ جان دٷنيەسٸندەگٸ تەرەڭ اڭسار مەن ساعىنىشتى دا مەڭزەيتٸن پوەتيكالىق مەنگە يە.
فوتو: ەدٸلبەك ىبىرايىمۇلىنىڭ مۇراعاتىنان
«سوڭعى جىلدارداعى ٸزدەنٸستەرٸمنٸڭ نەتيجەسٸ رەتٸندە وسى رومان دٷنيەگە كەلدٸ. وندا قازٸرگٸ زامانداعى جاھاندىق مەسەلەلەردٸ بيولوگ-جاس عالىمنىڭ كٶزٸمەن كٶرسەتۋگە تىرىستىم. عىلىم مەن تەحنيكا, رۋحانييات پەن سەنٸم, ساياسات پەن ٷستەمدٸك سەكٸلدٸ قاباتتاردى بٸرٸكتٸرٸپ, ويلى وقىرمانعا وي تاستاۋ ماقساتىندا جازدىم», – دەيدٸ اۆتور ەدٸلبەك ىبىرايىمۇلى.
روماننىڭ العىسٶزٸن تەحنيكا عىلىمدارىنىڭ دوكتورى, پروفەسسور, ۇلتتىق عىلىم اكادەميياسىنىڭ اكادەميگٸ, ەل-فارابي اتىنداعى مەملەكەتتٸك سىيلىقتىڭ يەگەرٸ مەيٸربەك مولدابەكوۆ جازعان. ول ٶز سٶزٸندە:
فوتو: zhasalash.kz. مەيٸربەك مولدابەكوۆ.
– «ارزۋ» – تەرەڭ فيلوسوفييالىق جەنە كٶركەمدٸك مازمۇنعا قۇرىلعان, ادامزاتتىڭ اقىل, پاراسات, ٸزگٸلٸك جولىنداعى مەڭگٸلٸك ٸزدەنٸستەرٸن سۋرەتتەيتٸن شىعارما. تاقىرىپتىڭ ٶزەكتٸلٸگٸ مەن كٶركەمدٸك دەڭگەيٸ ەرەكشە», – دەپ باعالايدى.
رومانداعى نەگٸزگٸ كەيٸپكەرلەر – استرونومييا, فيزيكا, تەولوگييا, گيدروگەولوگييا سالالارىنداعى زاماناۋي عىلىم يەلەرٸ. ولاردىڭ بەينەسٸ ارقىلى ار مەن اقىل, تانىم مەن تاعدىر, مٸنەز بەن بولمىس اراسىنداعى كٷردەلٸ بايلانىستار اشىلادى.
ون تاراۋدان تۇراتىن رومان 27,5 باسپا تاباق كٶلەمٸندە جارىق كٶرگەن. عىلىمي-فانتاستيكالىق سيپاتتاعى شىعارمادا:
استرونومييا مەن گالاكتيكاداعى سەۋلەلەر مەن ماگنيت ٶرٸستەرٸن ەنەرگيياعا اينالدىرۋ;
دەيتەريي سۋىنان جاڭا قارۋ جاساۋ;
وسميي كەنٸنٸڭ مارس ەكسپەديتسييالارىنداعى ماڭىزى سەكٸلدٸ عىلىمي يدەيالار كٶرٸنٸس تاپقان.
«ارزۋ» – بايلىق پەن بيلٸككە, ٷستەمدٸك پەن تەحنولوگيياعا ۇمتىلعان بٷگٸنگٸ پەندەنٸڭ بەت-بەينەسٸن اشۋعا تالپىنعان, بولاشاق ۇرپاققا وي سالار ماڭىزدى شىعارما.
ەدٸلبەك ىبىرايىمۇلى الپىسباي 1965 جىلى 18 سەۋٸردە الماتى وبلىسى, اقسۋ اۋدانى, قىزىلاعاش اۋىلىندا تۋعان.
قازاقستان جاستار وداعى مەن جۋرناليستەر وداعىنىڭ بٸرلەسٸپ, جۋرناليستيكا سالاسىنداعى تاعايىنداعان باۋبەك بۇلقىشەۆ اتىنداعى سىيلىعىنىڭ يەگەرٸ (1992ج.). سونداي-اق, ەدەبيەت پەن مەدەنيەتكە بەرٸلەتٸن قازاقستان جاستار وداعى سىيلىعىنىڭ (1997ج.), حالىقارالىق «الاش» (2012ج.), «دارابوز» (2015ج.) ەدەبي سىيلىقتارىنىڭ لاۋرەاتى. قازاق حاندىعىنىڭ 550 جىلدىعىنا وراي ٶتكٸزٸلگەن «الاش تاريحىنىڭ اقيقاتى» اتتى رەسپۋبليكالىق بەيگەسٸنٸڭ جٷلدەگەرٸ, ەل تەۋەلسٸزدٸگٸنٸڭ 25 جىلدىعىنا ارنالعان «ازاتتىق اياسىندا» اتتى رەسپۋبليكالىق جىر بەيگەسٸنٸڭ بٸرٸنشٸ ورىن يەگەرٸ.
اقبوتا مۇسابەكقىزى
