ارزان قانت ٸزدەگەن ورالدىقتار الاياقتارعا جەم بولىپ جاتىر. ٶيتكەنٸ ٶڭٸردە شەكەر تاپشى. ال قىسقا قامدانعان حالىق قاپشىقتاپ ساتىلاتىن قۇمشەكەر ٸزدەپ, ساۋدا ورتالىقتارى مەن بازارلاردا سابىلىپ جٷر. ارزان قانت ٸزدەگەندەردٸڭ وسال تۇسىن الاياقتار دا پايدالانىپ قالىپ جاتىر. پوليتسييا دەرەگٸنشە, قۇمشەكەر ساتامىن دەپ حالىقتىڭ قالتاسىن قاققان الاياقتارعا قاتىستى قىلمىستىق ٸس قوزعالعان, دەپ حابارلايدى "ۇلت اقپارات" "استانا" تەلەارناسىنا سٸلتەمە جاساپ.
قازٸر بازاردا جەمٸس-جيدەك پەن كٶكٶنٸس ارزان. بٸراق تٷرلٸ قايناتپا جاساپ, قىسقا قامدانۋ ٷشٸن قانت تاپشى. دٷكەندە ادام باسىنا 2-3 كەلٸدەن عانا ساتىلاتىن قۇمشەكەر بانكٸ جابۋعا جەتپەيدٸ.
"جاقىندا 25 كيلوگرامدىق سەكەردٸ 16 مىڭ تەڭگەگە الىپ ەدٸم. بٷگٸن بارسام, 200 تەڭگەگە قىمباتسىپ كەتكەن. جىلدا 300 بانكٸ جاباتىن ەدٸم. بيىل 100 بانكٸ جاباتىن شىعارمىن. سەكەر قىمبات" - دەيدٸ قالا تۇرعىنى سارا ٷمبەتيارقىزى.
حالىقتىڭ قانت قانشا قىمباتتاسا دا, ساتىپ الۋعا ەزٸر ەكەنٸن الاياقتار دا جاقسى بٸلەدٸ. قازٸر وندايلار ينتەرنەت ارقىلى تٷرلٸ حابارلاندىرۋ بەرٸپ, اڭقاۋ ەلدٸ الداپ, تابىس تاۋىپ جاتقان كٶرٸنەدٸ.
"بٸز شىمكەنت قالاسىنانبىز. قانتتىڭ كيلوگرامى - 340 تەڭگە. قالاساڭىز, بٸرنەشە توننا قانتتى ورالعا تەگٸن جەتكٸزٸپ بەرەمٸز. بٸراق جەكە كۋەلٸگٸڭٸزدٸڭ سۋرەتٸن جٸبەرٸپ, تاۋاردىڭ جارتى اقشاسىن الدىن-الا اۋداراسىز. قالعان اقشانى كەيٸن تٶلەيسٸز. سودان كەيٸن سٸزگە ەسەپشٸلەرٸمٸز قۇجاتتاردى جٸبەرەدٸ" - دەيدٸ الاياقتاردىڭ بٸرٸ.
پوليتسەيلەر مۇنداي كٶلەڭكەلٸ ٸستٸ ەشكەرەلەۋ وڭاي ەمەس دەپ وتىر. ٶيتكەنٸ الاياقتىقتىڭ بۇل تٷرٸ بٷگٸندە حالىقارالىق دەڭگەيگە جەتكەن. ياعني, باسقا ەلدەگٸ پىسىقتار ازاماتتاردىڭ جەكە كۋەلٸگٸن پايدالانىپ, ينتەرنەت ارقىلى نەسيە رەسٸمدەي الادى. سوندىقتان ارزان قۇمشەكەرمەن قۋانتامىن دەگەندەرگە سەنبەۋدٸ سۇرايدى.
"حابارلاندىرۋ سايتى ارقىلى 5 قاپشىق قۇمشەكەر ساتىپ الماق بولعان ورالدىق بٸر ازامات الدانىپ قالدى. الدانعانىن اقشاسىن اۋدارىپ جٸبەرگەن سوڭ, بٸر بٸلگەن. كەلگەن شىعىن - 30 مىڭ تەڭگە. قازٸر سوتقا دەيٸنگٸ تەرگەۋ امالدارى باستالدى" - دەيدٸ بقو پد كريمينالدىق پوليتسييا باسقارماسىنىڭ جەدەل ۋەكٸلٸ ٸليياس مۇقانوۆ.
پوليتسييا دەرەگٸنشە, بٷگٸندە ينتەرنەت-الاياقتىق ٶرشٸپ بارادى. ٶيتكەنٸ الدانۋشى باردا الداۋشى قاشان دا تابىلادى. مىسالى, 2017 جىلى نەبارى 26 ينتەرنەت-الاياقتىق تٸركەلسە, بىلتىردىڭ ٶزٸندە بۇل قىلمىس 26 ەسەگە كٶبەيٸپتٸ. بۇعان دەيٸن ەلدٸ بانك قىزمەتكەرٸمٸن دەپ الدايتىنداردىڭ قاتارىنا ەندٸ «قانت ساۋداگەرلەرٸ» قوسىلدى.
