قالانىڭ كٸرەبەرٸس قاقپاسى ارىس شاھارىنىڭ تاعى بٸر سەۋلەتتٸ تۋىندىسىنا اينالدى. جاڭا نىساننىڭ قۇرىلىس جۇمىستارىن موينىنا الىپ, قارجىلاندىرعان - قر كەسٸپوداقتار فەدەراتسيياسى, دەپ حابارلايدى قازاقپارات وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
اشىلۋ سالتاناتىنا قر كەسٸپوداقتار فەدەراتسيياسىنىڭ تٶراعاسى ەرالى توعجانوۆ پەن تٷركٸستان وبلىسىنىڭ ەكٸمٸ ٶمٸرزاق شٶكەەۆ ارنايى قاتىسىپ, تۇرعىندارعا جىلى لەبٸز بٸلدٸردٸ.
«ٶڭٸرٸمٸزدەگٸ سەۋلەتتٸك جوبالاردىڭ ۇلتتىق ناقىشتا بولعانى قۇبا-قۇپ. قازاقىلىقتىڭ قايماعى بۇزىلماعان اۋماقتى ايشىقتايتىن كٶرٸنٸستەر جاڭا جوبالاردا كٶرٸنٸس تاپقانىنا نازار اۋدارۋ ٶتە ماڭىزدى. ماۋسىمداعى قايعىلى وقيعادان كەيٸن قولعا الىنعان ارىس قالاسىن جاقسىلىققا باستايتىن بەرەكەلٸ قاقپا بولادى دەپ سەنەمٸن», - دەدٸ ايماق باسشىسى ٶمٸرزاق ەستايۇلى.
سونىمەن قاتار, ايماق باسشىسى ٶز سٶزٸندە قاقپانىڭ قۇرىلىسىن قولداپ, كٶمەك بەرگەن ەلٸمٸزدٸڭ كەسٸپوداقتار فەدەراتسيياسى باسشىلىعىنا العىسىن بٸلدٸردٸ. كەز كەلگەن شاھاردىڭ ٶزٸنە تەن قايتالانباس, ايرىقشا كەلبەتٸ بولادى. وسىنداي مازمۇنى مەن ماعىناسى زور ايتۋلى جوباعا قازاقستان رەسپۋبليكاسى كەسٸپوداقتار فەدەراتسيياسى دەمەۋشٸلٸك جاساعان.
ارىس قالاسىنىڭ كٶركەيٸپ, گٷلدەنۋٸنە بٸر كٸسٸدەي جۇمىلا كٸرٸسۋ - بٷكٸل ەلگە ورتاق ٸس بولدى. قالانىڭ باس قاقپاسى - سونىڭ تاعى بٸل دەلەلٸ بولسا كەرەك.
سالتاناتتى جيىنعا «Nur Otan» پارتيياسى ارىس قالالىق فيليالىنىڭ تٶراعاسى مەن ارداگەرلەر, قالالىق مەسليحات دەپۋتاتتارى قاتىستى. اشىلعان قاقپادان العاشقى بولىپ وبلىس ەكٸمٸ ٶمٸرزاق ەستايۇلى باستاعان توپ جاياۋ جٷرٸپ ٶتتٸ.
