ارىس قالاسىنداعى جويقىن جارىلىستان كەيٸن وقيعا ورنىنا قر ٸٸم تٶتەنشە جاعدايلار كوميتەتٸنٸڭ تٶراعاسى گەنەرال-مايور ۆلاديمير بەككەر اتتاندى. بۇل تۋرالى ۆەدومستۆونىڭ باسپاسٶز قىزمەتٸ حابارلادى.
«ارىس ەكٸمٸنٸڭ ٶكٸمٸمەن قالا حالقى 50 شاقىرىم جەردە ورنالاسقان مۇنايتاس اۋىلدىق وكرۋگٸنە كٶشٸرٸلٸپ جاتىر, ول ٷشٸن 20 اۆتوبۋس بٶلٸنگەن. سونداي-اق تۇرعىنداردى ەۆاكۋاتسييالاۋ ٷشٸن شىمكەنت قالاسىنىڭ ەكٸمدٸگٸ 36 اۆتوبۋس جٸبەردٸ» دەلٸنگەن حابارلامادا.
باسپاسٶز قىزمەتٸنٸڭ حابارلاۋىنشا, شىمكەنت قالاسىندا 15 ەۆاكۋاتسييا بەكەتٸ قۇرىلعان. قازٸر ارىستان جەتكٸزٸلگەن 17 بالا سامال-3 شاعىن اۋدانىندا ورنالاسقان نازاربەكوۆ اتىنداعى №87 مەكتەپكە ورنالاستىرىلدى.
رەسمي مەلٸمەتكە سٷيەنسەك, ٶرتتٸ سٶندٸرۋگە تٷركٸستان وبلىسى تٶتەنشە جاعدايلار دەپارتامەنتٸنٸڭ جەكە قۇرامىنان 75 ٶرت سٶندٸرۋشٸ مەن 16 تەحنيكا جۇمىلدىرىلعان. قوسىمشا كٷش رەتٸندە شىمكەنت قالاسىنىڭ تٶتەنشە جاعدايلار دەپارتامەنتٸنەن 118 ادام مەن 7 تەحنيكا جٸبەرٸلدٸ. تٶتەنشە وقيعا ورنىندا قر ٸٸم بٶلٸمدەرٸنەن بارلىعى 463 ادام مەن 53 تەحنيكا جۇمىس ٸستەپ جاتىر, ونىڭ ٸشٸندە ازاماتتىق قورعانىس ورگاندارىنان - 193 قىزمەتكەر مەن 23 تەحنيكا, پوليتسييا بٶلٸمشەلەرٸنەن - 270 قىزمەتكەر مەن 30 تەحنيكا.
