ارىستاعى جارىلىسقا بايلانىستى بٶگەن سۋ قويماسىنا ەشقانداي دا قاۋٸپ تٶنٸپ تۇرعان جوق. بۇل تۋرالى تٷركٸستان وبلىسى اۋىل شارۋاشىلىعى باسقارماسىنىڭ باسشىسى نۇربەك بادراقوۆ مەلٸم ەتتٸ. ونىڭ ۆيدەو-مەلٸمدەمەسٸن وبلىس ەكٸمٸنٸڭ كەڭەسشٸسٸ سەكەن قالقامانوۆ ەلەۋمەتتٸك جەلٸدە جارييالاعان بولاتىن.
باسقارما باسشىسى ۆيدەوجازباسى ارقىلى ارىس قالاسىنداعى تٶتەنشە جاعدايعا بايلانىستى بٶگەن سۋ قويماسىنا قاتىستى تاراعان قاۋەسەتتٸ جوققا شىعارادى. «ارىس ارناسىنان سەكۋندىنا 47 تەكشە مەتر سۋ شارۋالاردى اعىنسۋمەن قامتاماسىز ەتۋگە بوساتىلىپ جاتىر. بٶگەن سۋ قويماسىنا بايلانىستى ەشقانداي دا قاۋٸپ جوق. وسىندا تٷركٸستان وبلىسى «Nur Otan» پارتيياسى فيليالى تٶراعاسىنىڭ بٸرٸنشٸ ورىنباسارى نۇرماحان جولداسوۆ پەن وتىرار اۋداندىق تٶتەنشە جاعدايلار باسقارماسىنىڭ ماماندارى تولىعىمەن بٶگەن سۋ قويماسىن كٶرٸپ شىقتى. بٶگەن سۋ قويماسىنا قاتىستى ەشقانداي دا قاۋٸپ تٶنٸپ تۇرعان جوق», دەدٸ ن. بادراقوۆ.
ايتا كەتەيٸك, بٷگٸن تاڭەرتەڭ تٷركٸستان وبلىسىنىڭ ارىس قالاسىنداعى ەسكەري بٶلٸم قويماسىندا جارىلىس بولدى. بٸرنەشە ٶڭٸردٸڭ تٶتەنشە جاعدايلار دەپارتامەنتٸ شۇعىل جەلٸلەر قۇردى. كٶپ ۇزاماي وبلىس باسشىسى ٶمٸرزاق شٶكەەۆ باستاعان ارنايى كوميسسييا ارىستاعى ەسكەري بٶلٸمگە اتتاندى. جاعدايدىڭ اۋقىمىمەن تانىسقان ٶڭٸر ەكٸمٸ ارىس تۇرعىندارىن ەۆاكۋاتسييالاۋ تۋرالى شەشٸم قابىلدانعانىن مەلٸم ەتتٸ. قر ٸٸم تٶتەنشە جاعدايلار كوميتەتٸ تۇرعىندار قايدا جەنە قالاي ەۆاكۋاتسييالانىپ جاتقانىن حابارلادى.
قر پرەزيدەنتٸ قاسىم-جومارت توقاەۆ تيٸستٸ ورگاندارعا ارىستاعى تٶتەنشە جاعدايدىڭ زارداپتارىن جويۋ تۋرالى تاپسىرما بەردٸ.
كەيٸن حابارلانعانداي, وقيعا ورنىنا قورعانىس مينيسترٸ نۇرلان ەرمەكباەۆ ۇشىپ شىقتى.
سوڭعى مەلٸمەتتەر بويىنشا, وقيعا سالدارىنان 46 ادام زارداپ شەكتٸ.
