تٷركٸستان وبلىسى, ارىس قالاسىندا جۇمىسپەن قامتۋ جەنە ەلەۋمەتتٸك باعدارلامالار بٶلٸمٸنٸڭ التى قىزمەتكەرٸ سوتتالدى. ولارعا پاندەمييا كەزٸندەگٸ تٶتەنشە جاعداي مەن شەكتەۋ شارالارىنا بايلانىستى ازىق-تٷلٸك پەن تۇرمىستىق قاجەتتٸلٸككە بٶلٸنگەن قاراجاتتى جىمقىردى دەگەن ايىپ تاعىلدى, دەپ حابارلايدى قازاقپارات.
ارىس اۋداندىق سوتى باسپاسٶز قىزمەتٸنٸڭ مەلٸمەتٸنشە, ايىپتالعان التاۋدىڭ قاتارىندا قالالىق جۇمىسپەن قامتۋ جەنە ەلەۋمەتتٸك باعدارلامالار بٶلٸمٸنٸڭ باسشىسى مەن ونىڭ ورىنباسارى, كٶمەك سەكتورىنىڭ باس مامانى مەن ەسەپشٸسٸ جەنە ونىڭ ەكٸ كٶمەكشٸسٸ بار. ولار تۇرمىسى تٶمەن تۇرعىندارعا بٶلٸنگەن 120 ملن تەڭگەنٸ تالان-تاراجعا سالعانى ٷشٸن سوتتالدى. سوت وتىرىسىندا شەنەۋنٸكتەردٸڭ پاندەمييا كەزٸندە 29 ازاماتقا كٶمەك رەتٸندە بٶلٸنگەن 2 900 400 تەڭگەنٸ زاڭسىز اۋدارىپ العانى انىقتالعان.
«كٶبٸنشە ٶزدەرٸنٸڭ تۋىستارى مەن تانىستارىنان تۇراتىن ارىس قالاسىنىڭ 138 ازاماتىنا اقشالاردى نەگٸزسٸز, زاڭسىز اۋدارعانى انىقتالعان. مەملەكەتكە جالپى سوماسى 123 493 688 تەڭگە ماتەريالدىق زالال كەلتٸرگەن», دەلٸنگەن سوتتىڭ حابارلاماسىندا.
سوت ٷكٸمٸنە سەيكەس بٶلٸم باسشىسى مەن ونىڭ ورىنباسارىنا قىلمىستىق كودەكستٸڭ 189-بابى 4-بٶلٸگٸ 2-تارماعى «اسا ٸرٸ مٶلشەردەگٸ سەنٸپ تاپسىرىلعان بٶتەن مٷلٸكتٸ يەمدەنٸپ الۋ نەمەسە تالان-تاراجعا سالۋ» بويىنشا كٸنەلٸ دەپ تانىلىپ, 7 جىل مەرزٸمگە باس بوستاندىعىنان ايىرۋ جازاسى تاعايىندالدى. ولارعا ٶمٸر بويىنا مەملەكەتتٸك قىزمەتتە ەڭبەك ەتۋگە تىيىم سالىندى. سونداي-اق, بٶلٸمنٸڭ باس مامانى ٷش باپ بويىنشا كٸنەلٸ دەپ تانىلدى. ال, ەسەپشٸنٸڭ كٶمەكشٸسٸ 189-بابى 4-بٶلٸگٸ 2-تارماعى, 28-بابى 5-بٶلٸگٸ, 190-بابى 3-بٶلٸگٸنٸڭ 2,4-تارماقتارى بويىنشا كٸنەلٸ دەپ تانىلىپ, 7 جىلعا باس بوستاندىعىنان ايىرىلدى.
«سونىمەن بٸرگە, ٸس بويىنشا ازاماتتىق تالاپ قويۋ ارىزى ٸشٸنارا قاناعاتتاندىرىلىپ, سوتتالۋشىلاردان مەملەكەت پايداسىنا ورتاق تەرتٸپپەن جالپى سوماسى 113 788 348 تەڭگە (قالعان سومالار تٶلەنٸپ قايتارىلعان) كەلتٸرٸلگەن زالال مەن وسىنىڭ 3 پايىزى كٶلەمٸندە مەملەكەتتٸك باج ٶندٸرٸلدٸ» - دەلٸنگەن حابارلامادا.
دەسە دە ەسەپشٸنٸڭ كٶمەكشٸسٸ قىزمەتٸن اتقارعان ايىپتالۋشى قىلمىستىق كودەكستٸڭ 74-بابى 1-بٶلٸگٸنە سەيكەس, ياعني جٷكتٸ نەمەسە جاس بالالارى بولۋىنا بايلانىستى جازاسىن تەك 5 جىلدان كەيٸن ٶتەيتٸن بولدى. ال, وعان دەيٸن پروباتسييالىق ەسەپتە تۇرادى. سونىمەن قاتار, ەسەپشٸنٸڭ تاعى بٸر كٶمەكشٸسٸ مەن بٶلٸمنٸڭ كٶمەك سەكتورىنىڭ باس مامانى دا قىلمىستىق كودەكستٸڭ 189-بابى 4-بٶلٸگٸ 2-تارماعىمەن كٸنەلٸ دەپ تانىلدى. ونىڭ بٸرٸنە 7, بٸرەۋٸنە 2 جىل باس بوستاندىعىنان ايىرۋ جازاسى تاعايىندالدى. ولار دا جازاسىن بەس جىلدان كەيٸن ٶتەيتٸن بولدى. جۇمىسپەن قامتۋ بٶلٸمٸنٸڭ باسشىسى, ورىنباسارى جەنە ەسەپشٸ جازالارىن قاۋٸپسٸزدٸگٸ ورتاشا تٷزەۋ مەكەمەسٸندە ٶتەيدٸ. ايتا كەتەيٸك, سوت ٷكٸمٸ ەلٸ زاڭدى كٷشٸنە ەنگەن جوق.
