تٷركٸستان وبلىسىندا تەرگەۋشٸلەر پەدوفيل ەكەنٸڭ كٸنەسٸن تولىق دەلەلدەدٸ. سوت ونى 20 جىلعا باس بوستاندىعىنان ايىردى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنە سٸلتەمە جاساپ.
«تەرگەۋشٸلەردٸڭ ٶندٸرٸسٸندە ەرقيلى ٸستەر كەزدەسەدٸ. كەيدە ولاردى زەرتتەي وتىرىپ, جەبٸرلەنۋشٸلەردٸڭ دە, كٷدٸكتٸلەردٸڭ دە تاعدىرى قايعىلى بولاتىنىن تٷسٸنەسٸڭ, ەسٸرەسە اتا - انالارىنىڭ ٶز بالالارى قىلمىستىڭ قۇربانى بولعان كەزدە» دەيدٸ تٷركٸستان وبلىسى پد تەرگەۋ باسقارماسىنىڭ باستىعى, پوليتسييا پولكوۆنيگٸ نۇرماحان جالعاسوۆ.
وسى جىلدىڭ باسىندا ارىس اپب-عا جەرگٸلٸكتٸ تۇرعىن ارىز بەرگەن. ەيەل ٶزٸنٸڭ ٷلكەن قىزىنىڭ تەلەفونىندا كەزدەيسوق كٷيەۋٸنٸڭ جٸبەرگەن حابارلامالارىن تاۋىپ العانىن ايتتى.
ونىڭ جٸبەرگەن مەتٸندەرٸنٸڭ مازمۇنى كٷدٸك تۋدىرعان. سودان سوڭ قىزىمەن اشىق سٶيلەسٸپ, نەتيجەسٸندە كٷيەۋٸنٸڭ ٶز قىزىن زورلاپ جٷرگەنٸن تٷسٸنگەن.
ەيەلدٸڭ ارىزى بٸردەن قر قك 120-بابى بويىنشا تٸركەلدٸ. تەرگەۋشٸلەر تەرگەۋدٸ باستاپ كەتتٸ.
«سوتقا دەيٸنگٸ تەرگەۋ بارىسىندا بۇل وتباسىنىڭ ەشقانداي ەسەپتە تۇرمايتىن, قاراپايىم جانۇيا ەكەنٸن انىقتادىق. وتاعاسى رەسەيدە ۆاحتالىق ەدٸسپەن, ال اناسى ارىس قالاسىندا جۇمىس ٸستەيدٸ ەكەن. كٶپبالالى وتباسىندا بەس بالا تەربيەلەنۋدە. ەڭ ٷلكەن قىزى پەدوفيل ەكەنٸڭ قۇربانى بولىپ وتىر. بٸز بارلىق تەرگەۋ ەرەكەتٸن جان-جاقتى زەردەلەپ جٷرگٸزدٸك. ٸسكە قاتىستى ەر نەرسەنٸ نازاردان قالدىرماۋعا تىرىستىق. وعان قوسا جەبٸرلەنۋشٸنٸڭ ەكەسٸ دە كٸنەسٸن مويىندامادى. ەڭگٸمەلەسكەن سايىن ٸستەگەنٸن جوققا شىعارىپ, ايتقانىنان قايتپادى. قىزىم بارلىعىن ويىنان شىعارىپ وتىر دەپ بٸزدٸ اداستىرۋعا تىرىستى» دەيدٸ پوليتسييا پولكوۆنيگٸ.
سوندىقتان بارلىق دەلەلدەردٸ جيناۋعا تۋرا كەلدٸ. سوتقا دەيٸنگٸ تەرگەپ-تەكسەرۋگە ٷش ايدان استام ۋاقىت جۇمسالعان. وسى ۋاقىت ٸشٸندە بٸرقاتار ساراپتامالار تاعايىندالدى.
قىزدىڭ ەكەسٸنٸڭ كٸنەسٸن دەلەلدەۋ ٷشٸن ايعاقتار جينالدى. نەتيجەسٸندە التى تومدىق قىلمىستىق ٸس قوزعالدى. ەر توم 180 بەتتەن تۇردى. وسىلايشا جازدا ٸس تولىعىمەن اياقتالىپ, ايىپتاۋ اكتٸسٸمەن بٸرگە سوتقا جٸبەرٸلدٸ.
«سوت ٸستٸ قاراپ, ٶز ٷكٸمٸن شىعاردى. ٶز قىزىن زورلاعان قاتىگەز ەكە 20 جىلعا باس بوستاندىعىنان ايىرىلدى» دەپ اتاپ ٶتتٸ تەرگەۋ باسقارماسىنىڭ باستىعى نۇرماحان جالعاسوۆ.
