ارىستا كٷن سايىن مىڭ جارىم ەسكەري قىزمەتشٸ وق-دەرٸلەردٸڭ بٶلٸكتەرٸن ٸزدەۋ, زالالسىزداندىرۋ, تاسىمالداۋ, جويۋ جۇمىستارىن جٷرگٸزٸپ جاتىر. بۇل تۋرالى قر قك تىل جەنە قارۋ-جاراق باسقارماسىنىڭ باستىعى اسىلبەك ساتىبالدينوۆ مەلٸم ەتتٸ, دەپ حابارلايدى قازاقپارات.
«جارىلىس قاۋپٸ بار فراگمەنتتەردٸ جويۋ جۇمىستارىنىڭ باسىم بٶلٸگٸ ارىس قالاسىنان 50 شاقىرىم جەردەگٸ - باستارما پوليگونىندا اتقارىلۋدا. ازاماتتىق ورتاعا وق-دەرٸلەردٸڭ ۇرلىعى ارقىلى ەنٸپ كەتۋٸن, تٷرلٸ-تٷستٸ مەتالل سىنىعىنىڭ ساتىلۋىن الدىن الۋ ماقساتىندا پروفيلاكتيكالىق رەيدتەر تۇراقتى تٷردە ۇيىمداستىرىلادى. ۋتيليزاتسييا ورنىندا جيناقتالعان وق-دەرٸلەر تەۋلٸك بويى كٷزەتٸلەدٸ», - دەيدٸ اسىلبەك ساتىبالدينوۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا ازاماتتىق تۇلعالاردىڭ جيناقتالعان وق-دەرٸلەر ورنىنا كٸرٸپ كەتۋ جاعدايى دا تٸركەلگەن.
«تەرتٸپتٸ قاداعالاۋ ٷشٸن ٸشكٸ ٸستەر ورگاندارىمەن بٸرگە تەۋلٸك بويى كٶشەلەردە پاترۋل جٷرگٸزٸلەدٸ. سونىمەن بٸرگە ەسكەري قىزمەتشٸلەر قۇرىلىس پەن قالپىنا كەلتٸرۋ جۇمىسىنا بەلسەنە اتسالىسىپ, كوروناۆيرۋس ينفەكتسيياسىنا قارسى دەزينفەكتسييا جۇمىستارىن اتقاردى. موبيلدٸ دالالىق ەمحانانىڭ دەرٸگەرلەرٸ مىڭعا تارتا ازاماتقا ەرتٷرلٸ مەديتسينالىق كٶمەك كٶرسەتتٸ. ەسكەري ۆەتەرينارلار اۋىل شارۋاشىلىعى مينيسترلٸگٸنٸڭ ماماندارىمەن بٸرگە 508 باس ٷي جانۋارىن دالاعا كٶمدٸ. 9 مىڭ شارشى مەتر اۋماقتاعى ٶلگەن مالدىڭ ورىندارى دەزينفەكتسييالاندى. كٷن سايىن مىڭ جارىم ەسكەري قىزمەتشٸ وق-دەرٸلەردٸڭ بٶلٸكتەرٸن ٸزدەۋ, زالالسىزداندىرۋ, تاسىمالداۋ, جويۋ جۇمىستارىن جٷرگٸزۋدە», - دەدٸ ول.
