بالا قۇقىقتارى جٶنٸندەگٸ ۋەكٸل ارۋجان ساين الماتىداعى بالالار ٷيٸنٸڭ قىزمەتكەرٸ تەربيەلەنۋشٸنٸ ۇرىپ-سوعىپ جاتقان ۆيدەو مەن سۋرەتكە قاتىستى تٷسٸنٸكتەمە بەردٸ, دەپ حابارلايدى قازاقپارات.
ۆيدەو الماتىداعى «جانۇيا» مامانداندىرىلعان كەشەنٸندە تٷسٸرٸلگەن.
«كەشە ينتەرنەتتە وسى مەكەمە تەربيەلەنۋشٸلەرٸنٸڭ انىق فيزيكالىق زورلىق-زومبىلىق پەن كٷتٸمسٸزدٸك بەلگٸلەرٸ بار سۋرەتتەرٸ مەن ۆيدەولارى تاراتىلدى. الايدا, بالالاردىڭ ماعان ۇسىنىلعان ۆيدەولارىندا, ولاردا جاراقاتتىڭ, ۇرىپ-سوعۋدىڭ ٸزدەرٸ كٶرٸنبەيدٸ. بالالار ٷيٸنٸڭ قازٸرگٸ ديرەكتورى مەملەكەت اتىنان مەكەمە تەربيەلەنۋشٸلەرٸنٸڭ رەسمي قامقورشىسى بولىپ ەسەپتەلەدٸ. بۇل ۆيدەو مەن فوتولاردى كٸم, قاشان جەنە قانداي جاعدايدا تٷسٸرگەنٸن انىقتاۋ ٷشٸن ول الماتى پوليتسييا دەپارتامەنتٸنە جەنە پروكۋراتۋراعا جٷگٸنۋگە مٸندەتتٸ. مەن وسى ۆيدەونى تٷسٸرگەن قىزمەتكەرلەردٸڭ نەلٸكتەن پوليتسيياعا ۋاقىتىندا جٷگٸنبەگەنٸن, ٶز مٸندەتتەرٸن ورىنداماي, بالالاردىڭ قۇقىقتارىن قورعاماعانىن انىقتادىم», - دەدٸ ارۋجان ساين.
الماتى قالاسىنىڭ پروكۋراتۋراسى بالا قۇقىقتارى جٶنٸندەگٸ ۋەكٸل ارۋجان سايننٸڭ باستاماسىمەن وسى ورتالىقتا تەكسەرٸس جٷرگٸزدٸ. تەكسەرٸس بارىسىندا كٶپتەگەن بۇزۋشىلىقتار انىقتالدى. بۇرىنعى باسشىلىق پەن بٸرقاتار قىزمەتكەرلەرگە قاتىستى بٸرنەشە قىلمىستىق ٸس تٸركەلدٸ.
قالا پروكۋراتۋراسى مەكەمە قىزمەتكەرلەرٸنٸڭ جالاقىسىن نەگٸزسٸز ارتىق تٶلەۋ, تاۋارلىق-ماتەريالدىق قۇندىلىقتاردىڭ, ونىڭ ٸشٸندە دەمەۋشٸلٸك كٶمەكتٸڭ جەتٸسپەۋشٸلٸگٸ, مەكەمە ٷي-جايلارىن اعىمداعى جٶندەۋ بويىنشا ناقتى ورىندالماعان جۇمىستارعا اقى تٶلەۋ فاكتٸلەرٸ انىقتالعانىن حابارلادى.
تەكسەرۋ ماتەريالدارى بويىنشا 58 ملن تەڭگە كٶلەمٸندە بيۋدجەت قاراجاتىن جىمقىرۋ فاكتٸلەرٸ بويىنشا قىلمىستىق ٸس قوزعالدى. قازٸرگٸ ۋاقىتتا الماتى قالاسى بويىنشا ەكونوميكالىق تەرگەۋ دەپارتامەنتٸ قازاقستان رەسپۋبليكاسى قىلمىستىق كودەكسٸنٸڭ 189-بابى 3-بٶلٸگٸ 1-تارماعى بويىنشا سوتقا دەيٸنگٸ تەرگەۋ جٷرگٸزۋدە.
