قاراعاندى وبلىسىندا "ارسەلورميتتال تەمٸرتاۋ" تسەحىندا بولعان اپات كەزٸندە زارداپ شەككەن جۇمىسشىنىڭ جاعدايى تۇراقتى, دەپ جازادى Sputnik قازاقستان.
دەرٸگەرلەردٸڭ ايتۋىنشا, قازٸرگٸ تاڭدا ناۋقاستىڭ جاعدايى تۇراقتى, وڭ ديناميكا بايقالادى.
"پاتسيەنت جانساقتاۋدان بەيٸندٸ بٶلٸمشەگە اۋىستىرىلدى. ناۋقاس ەسٸن بٸلەدٸ, گەموديناميكالىق كٶرسەتكٸشتەر نورما شەگٸندە. ەم تولىق كٶلەمدە جاسالىپ جاتىر", - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
10 ماۋسىمدا "ارسەلورميتتال تەمٸرتاۋ" تسەحىندا تٶتەنشە جاعداي بولدى. جۇمىس ٸستەمەيتٸن پەشتٸ دەمونتاجداۋ كەزٸندە بەس جۇمىسشى ٷيٸندٸ استىندا قالدى. تٶرت ادام وقيعا ورنىندا كٶز جۇمدى. تٸرٸ قالعان جالعىز جۇمىسشى اۋرۋحاناعا جەتكٸزٸلدٸ.
پرەزيدەنت قاسىم-جومارت توقاەۆ ٷكٸمەتكە جەنە قاراعاندى وبلىسىنىڭ ەكٸمٸنە قايعىلى وقيعانىڭ سەبەبٸن انىقتاۋدى, قازا تاپقاندار مەن زارداپ شەككەندەردٸڭ وتباسىلارىنا كٶمەك كٶرسەتۋدٸ تاپسىردى.
