Qaraǵandy oblysynda "ArselorMittal Temirtaý" tsehynda bolǵan apat kezinde zardap shekken jumysshynyń jaǵdaiy turaqty, dep jazady Sputnik Qazaqstan.
Dárigerlerdiń aitýynsha, qazirgi tańda naýqastyń jaǵdaiy turaqty, oń dinamika baiqalady.
"Patsient jansaqtaýdan beiindi bólimshege aýystyryldy. Naýqas esin biledi, gemodinamikalyq kórsetkishter norma sheginde. Em tolyq kólemde jasalyp jatyr", - dep habarlady oblystyq densaýlyq saqtaý basqarmasynyń baspasóz qyzmeti.
10 maýsymda "ArselorMittal Temirtaý" tsehynda tótenshe jaǵdai boldy. Jumys istemeitin peshti demontajdaý kezinde bes jumysshy úiindi astynda qaldy. Tórt adam oqiǵa ornynda kóz jumdy. Tiri qalǵan jalǵyz jumysshy aýrýhanaǵa jetkizildi.
Prezident Qasym-Jomart Toqaev Úkimetke jáne Qaraǵandy oblysynyń ákimine qaiǵyly oqiǵanyń sebebin anyqtaýdy, qaza tapqandar men zardap shekkenderdiń otbasylaryna kómek kórsetýdi tapsyrdy.
