اقىن ارون اتابەك جانساقتاۋ بٶلٸمٸندە جاتىر. اقپاراتتى ونىڭ ەپكەسٸ رازييا نۋتۋشەۆا راستادى, - دەپ حابارلايدى Tengrinews.kz.
ونىڭ ايتۋىنشا, ارون اتابەك قازٸر الماتىداعى جەكە كلينيكالاردىڭ بٸرٸندە جاتىر.
"يە, ول شىنىمەن, اۋرۋحاناعا جاتقىزىلدى. قاي اۋرۋحانا ەكەنٸن ايتا المايمىز, ول جەكە كلينيكادا. جاعدايى ونشا ەمەس, ٶيتكەنٸ جانساقتاۋ بٶلٸمٸندە جاتىر", - دەدٸ اتابەكتٸڭ ەپكەسٸ.
ەسكە سالايىق, 1 قازاندا پاۆلودار قالاسى №2 سوتىندا ارون اتابەككە قاتىستى ونىڭ ناۋقاستانۋىنا بايلانىستى باس بوستاندىعىنان ايىرۋ جازاسىنىڭ ٶتەلمەگەن بٶلٸگٸن نەعۇرلىم جەڭٸل جازانىڭ تٷرٸنە اۋىستىرۋ تۋرالى ۇسىنىسى قارالىپ, ول بوستاندىققا شىققان بولاتىن. بٸراق ٷيٸنە شىققاننان كەيٸن ونىڭ دەنساۋلىعى ناشارلاپ كەتكەن.
2007 جىلى ارون اتابەك الماتىداعى شاڭىراق ىقشاماۋدانىنداعى وقيعادان كەيٸن 18 جىلعا سوتتالعان بولاتىن. 14 جىل بۇرىن بولعان وقيعا كەزٸندە جەرگٸلٸكتٸ تۇرعىندار مەن پوليتسەيلەر قاقتىعىسىپ, سالدارىنان 28 پوليتسەي زارداپ شەگٸپ, بٸرەۋٸ قايتىس بولعان ەدٸ.
