سەناتور ەرٸك سۇلتانوۆ ٷكٸمەت باسشىسى ەليحان سمايىلوۆتىڭ اتىنا دەپۋتاتتىق ساۋال جولدادى. ول قازاقستاننىڭ ارنايى ەكونوميكالىق ايماقتارىن دامىتۋدىڭ پروبلەمالارىن قوزعادى, دەپ حابارلايدى قازاقپارات.
دەپۋتات ينۆەستيتسييا مەن جاڭا تەحنولوگييا تارتۋعا ارنالعان تيٸمدٸ الاڭداردىڭ بٸرٸ – ارنايى ەكونوميكالىق ايماقتار بولۋى تيٸس ەكەنٸن اتاپ ٶتتٸ. الايدا جٷرگٸزٸلگەن مەملەكەتتٸك اۋديت قورىتىندىلارى بويىنشا اەا-نىڭ تيٸمدٸلٸگٸ تٶمەن دەڭگەيدە قالىپ وتىر.
سەناتوردىڭ پايىمداۋىنشا, اۋقىمدى بيۋدجەتتٸك ينۆەستيتسييا اياسىندا شەتەلدٸك ينۆەستيتسييا ٷلەسٸنٸڭ تٶمەندٸگٸ جاڭا تەحنولوگييالاردى ەنگٸزۋگە جەنە ەكسپورتتىق تاۋار ٶندٸرٸسٸن دامىتۋعا تٸكەلەي ەسەر ەتەدٸ. اەا اۋماعىندا شىعارىلاتىن ٶنٸمنٸڭ جالپى كٶلەمٸندەگٸ ەكسپورت ٷلەسٸ ورتا ەسەپپەن 3,5%-دان اسپايدى. بۇل رەتتە 2017-2020 جىلدارداعى ەكسپورت قۇرامىندا ٶنٸمنٸڭ تٶمەن بٶلٸنٸستەگٸ ٷلەسٸ باسىم بولىپ وتىر.
«وسىنىڭ بەرٸ بٷگٸندە اەا-نىڭ باسىم بٶلٸگٸندە قوسىلعان قۇنى جوعارى وزىق تەحنولوگييالىق ٶندٸرٸستٸ دامىتۋ جەنە جەرگٸلٸكتٸ ٶنٸمگە اينالدىرۋ جٶنٸندە ناقتى ماقسات قويىلماۋىنىڭ كٶرسەتكٸشٸ بولىپ وتىر. ودان باسقا, اەا-نى ينفراقۇرىلىممەن قامتاماسىز ەتۋ مەسەلەسٸ ەرەكشە نازار اۋدارۋدى تالاپ ەتەدٸ. 13 اەا-نىڭ تەك 3-ٸ قاجەتتٸ كوممۋنيكاتسييامەن تولىق قامتاماسىز ەتٸلگەن. مۇنداي كەلەڭسٸز جاعداي اەا-نىڭ جالپى اۋماعىنىڭ شامامەن 60%-ى بوس قالۋىنا الىپ كەلدٸ, سونىڭ سالدارىنان جاڭا ينۆەستورلاردى تارتۋدى جەنە ەلەۋەتتٸ سەرپٸندٸ جوبالار ەزٸرلەۋدٸ تەجەپ وتىر», - دەدٸ سەناتور.
دەپۋتات ە. سۇلتانوۆ وسىعان بايلانىستى اەا اۋماعىنداعى ينفراقۇرىلىم نىساندارىنىڭ قۇرىلىسىن اياقتاۋدىڭ ەگجەي-تەگجەيلٸ جوسپارىن ەزٸرلەۋ, وتاندىق كەسٸپكەرلٸككە, ونىڭ ٸشٸندە ستارتاپ جوبالارعا بەلسەندٸ قاتىسۋ جەنە كٶمەك كٶرسەتۋ, ينۆەستيتسييا كٶلەمٸنە, سالىقتار مەن شىعارىلاتىن ٶنٸمگە بايلانىستى بەرٸلەتٸن جەڭٸلدٸكتەردٸڭ مەرزٸمدەرٸنە سارالاۋ جٷيەسٸن ەنگٸزۋ قاجەتتٸگٸنە نازار اۋداردى.
