قازاقستاندا ارناۋلى ەسكەري جيىن قاتىسۋشىلارىنا ەسكەري شەن بەرٸلەدٸ. بۇل تۋرالى قر قارۋلى كٷشتەرٸ باس شتابى باسشىسىنىڭ ورىنباسارى سەرٸك بورانباەۆ ايتىپ بەردٸ, دەپ حابارلايدى قازاقپارات.
«كەزەكتٸ ەسكەري شەن بەرٸلەدٸ. بٸراق, ونىڭ جيىننان ٶتۋ قورىتىندىسى بويىنشا بەرٸلەتٸنٸن ەسكەرگەن جٶن. ونى تيٸستٸ قولباسشىلىق بەلگٸلەيدٸ جەنە سولاردىڭ ٶتٸنٸشٸمەن جەرگٸلٸكتٸ ەسكەري باسقارۋ ورگاندارى شەشٸم قابىلدايدى», - دەپ تٷسٸندٸردٸ سەرٸك بورانباەۆ ورتالىق كوممۋنيكاتسييالار قىزمەتٸندە ٶتكەن بريفينگتە.
سونىمەن بٸرگە, سپيكەر ەكٸمدەردٸڭ ٶز اۋماعىنداعى قاۋٸپسٸزدٸكتٸ قامتاماسىز ەتۋگە, ستراتەگييالىق نىساندار مەن قوعامدىق تەرتٸپتٸ ساقتاۋعا, ازاماتتىق قورعاۋ شارالارىن ٶتكٸزۋگە مٸندەتتٸ ەكەنٸن اتاپ ٶتتٸ.
«قورعانىس مينيسترٸ نۇرلان ەرمەكباەۆ ايتقانداي, جەرگٸلٸكتٸ اتقارۋ ورگاندارىنىڭ باسشىلارى جيىن ٶتكٸزۋ بويىنشا جاعدايعا قاراي دەربەس شەشٸم قابىلدايدى. اۋماقتىق ەسكەر قارۋلى كٷشتەر قۇرامىنا كٸرەدٸ, بٸراق ولار ناقتى ٶڭٸردٸڭ مٷددەسٸنە قاراي تيٸستٸ مٸندەتتەردٸ اتقارۋى كەرەك», - دەدٸ سەرٸك بورانباەۆ.
ايتا كەتەيٸك, 2 سەۋٸر كٷنٸ مەملەكەت باسشىسى قاسىم-جومارت توقاەۆ ەسكەري مٸندەتتٸلەردٸ ارناۋلى جيىنعا شاقىرۋ تۋرالى جارلىق شىعارعان ەدٸ.
ارناۋلى جيىن قازاقستاننىڭ بٸرنەشە ٶڭٸرٸندە عانا جٷرگٸزٸلەدٸ.
قازٸرگٸ ۋاقىتتا رەسپۋبليكا بويىنشا 473 ەسكەري مٸندەتتٸ ارناۋلى جيىنعا شاقىرىلعان.
