قازاقستاندا 470-تەن استام ەسكەري مٸندەتتٸ ارناۋلى ەسكەري جيىنعا شاقىرىلدى, - دەپ حابارلايدى قازاقپارات.
بۇل تۋرالى قر قارۋلى كٷشتەرٸ باس شتابى باسشىسىنىڭ ورىنباسارى سەرٸك بورانباەۆ ايتىپ بەردٸ.
«قورعانىس مينيسترلٸگٸ باسشىلىعى الدىن الا قابىلداعان ۇيىمداستىرۋ-تەحنيكالىق شارالارى مەن جەرگٸلٸكتٸ ەسكەري باسقارۋ ورگاندارىنىڭ, مەديتسينالىق قىزمەتكەرلەردٸڭ كارانتيندٸك شەكتەۋدەگٸ بٸرلەسكەن جۇمىسى از ۋاقىتتا ارناۋلى جيىنعا 473 ەسكەري مٸندەتتٸنٸ شاقىرۋعا مٷمكٸندٸك بەردٸ. ونىڭ اراسىندا 71 وفيتسەر مەن 402 سەرجانت جەنە زاپاستاعى ساربازدار بار. ولاردىڭ باسىم بٶلٸگٸ - ەرٸكتٸلەر», - دەدٸ سەرٸك بورانباەۆ ورتالىق كوممۋنيكاتسييالار قىزمەتٸندە ٶتكەن بريفينگتە.
ونىڭ ايتۋىنشا, قورعانىس مينيسترلٸگٸ مەن قارۋلى كٷشتەر باس شتابىنىڭ باسشىلىعى ەسكەر مٸندەتتٸلەردٸ شاقىرۋ بارىسىنا, سانيتارلىق-گيگيەنالىق تالاپتار مەن ەسكەري تەرتٸپتٸڭ ساقتالۋىنا جٷيەلٸ باقىلاۋ ۇيىمداستىردى.
«ارناۋلى جيىنعا شاقىرۋ شاقىرۋ ەرەجەلەرٸن حالىققا جەدەل تٷسٸندٸرۋ ٷشٸن قورعانىس مينيسترلٸگٸ مەن قورعانىس ٸستەرٸ دەپارتامەنتتەرٸ 4 سەۋٸردەن باستاپ, 18 Call-ورتالىق ۇيىمداستىردى. تەۋلٸك بويى جۇمىس ٸستەيتٸن بۇل ورتالىقتارعا مىڭنان استام ادام حابارلاستى», - دەدٸ س. بورانباەۆ.
سونىمەن بٸرگە, سپيكەر ەكٸمدٸكتەردٸڭ شاقىرۋشىلاردى قاجەتتٸ كيٸممەن, تاماقپەن, قورعانىس قۇرالدارىمەن, قاجەت بولعان جاعدايدا تۇراتىن ورىنمەن قامتۋعا مٸندەتتٸ ەكەنٸن ەسكە سالدى.
ايتا كەتەيٸك, 2 سەۋٸر كٷنٸ مەملەكەت باسشىسى قاسىم-جومارت توقاەۆ ەسكەري مٸندەتتٸلەردٸ ارناۋلى جيىنعا شاقىرۋ تۋرالى جارلىق شىعارعان ەدٸ.
قازٸرگٸ ۋاقىتتا نۇر-سۇلتان, الماتى قالالارىندا, الماتى, قىزىلوردا, پاۆلودار, اقمولا وبلىستارىندا ارناۋلى جيىن بٶلٸمشەلەرٸ قۇرىلدى.
اقتٶبە, اتىراۋ وبلىستارىندا ەسكەري مٸندەتتٸلەردٸ شاقىرۋ جالعاسۋدا. 13 سەۋٸر كٷنٸ شىمكەنت قالاسى مەن قاراعاندى وبلىسىندا, 14 سەۋٸردە - سقو, 15 سەۋٸردە - جامبىل, 17 سەۋٸردە - تٷركٸستان وبلىسىندا شاقىرۋ باستالادى.
ال بقو, شقو, قوستاناي جەنە ماڭعىستاۋ وبلىستارىندا ارناۋلى جيىن ٶتكٸزۋ مەسەلەسٸ قاراستىرىلماعان.
