ارمەنييا پرەمەر-مينيسترٸ نيكول پاشينيان, وتباسىمەن كوروناۆيرۋس جۇقتىرعان. بۇل تۋرالى پاشينيان ٶزٸنٸڭ Facebook پاراقشاسىندا حابارلادى.
"ٶكٸنٸشكە قاراي, تەست نەتيجەسٸ وڭ بولىپ شىقتى", - دەدٸ ارمەنييا ٷكٸمەتٸنٸڭ جەتەكشٸسٸ.
پاشينياننىڭ سٶزٸنشە, تەست نەتيجەسٸ جەكسەنبٸدە بەلگٸلٸ بولعان. ول COVID-19 اۋرۋىنىڭ ەش بەلگٸسٸ بايقالماسا دا, الداعى ٸسساپار الدىندا كوروناۆيرۋسقا تەست تاپسىرۋدى جٶن كٶرگەنٸن ايتتى.
تەست نەتيجەسٸ پاشينياننىڭ ەيەلٸ – اننا اكوپيان مەن ٷش قىزىندا دا وڭ شىققان. ولاردا دا اۋرۋدىڭ بەلگٸلەرٸ بايقالماعان. پاشينياننىڭ قىزدارىنان بٶلەك ۇلى دا بار. ول قازٸر ەسكەردە بورىشىن ٶتەپ جاتىر.
ارمەنييا ٷكٸمەتٸنٸڭ باسشىسى ٶزٸنٸڭ رەزيدەنتسيياسىندا وقشاۋلانىپ, سول جەردەن جۇمىس ٸستەمەك.
نيكول پاشينيان ارمەنييا بيلٸك باسىنا 2018 جىلعى 8 مامىردا "بارقىت رەۆوليۋتسيياسىنان" كەيٸن كەلگەن. بٷگٸن ول 45 جاسقا تولىپ وتىر.
اقش-تاعى دجونس حوپكينس ۋنيۆەرسيتەتٸنٸڭ مەلٸمەتٸنشە, ارمەنييادا كوروناۆيرۋس 9282 ادامنان تابىلىپ, 131 ادام قازا تاپقان.
