Armeniia premer-ministri Nikol Pashinian, otbasymen koronavirýs juqtyrǵan. Bul týraly Pashinian óziniń Facebook paraqshasynda habarlady.
"Ókinishke qarai, test nátijesi oń bolyp shyqty", - dedi Armeniia úkimetiniń jetekshisi.
Pashiniannyń sózinshe, test nátijesi jeksenbide belgili bolǵan. Ol COVID-19 aýrýynyń esh belgisi baiqalmasa da, aldaǵy issapar aldynda koronavirýsqa test tapsyrýdy jón kórgenin aitty.
Test nátijesi Pashiniannyń áieli – Anna Akopian men úsh qyzynda da oń shyqqan. Olarda da aýrýdyń belgileri baiqalmaǵan. Pashiniannyń qyzdarynan bólek uly da bar. Ol qazir áskerde boryshyn ótep jatyr.
Armeniia úkimetiniń basshysy óziniń rezidentsiiasynda oqshaýlanyp, sol jerden jumys istemek.
Nikol Pashinian Armeniia bilik basyna 2018 jylǵy 8 mamyrda "barqyt revoliýtsiiasynan" keiin kelgen. Búgin ol 45 jasqa tolyp otyr.
AQSh-taǵy Djons Hopkins ýniversitetiniń málimetinshe, Armeniiada koronavirýs 9282 adamnan tabylyp, 131 adam qaza tapqan.
