15 جەلتوقسانعا قاراعان تٷنٸ ارمەنييا مەن ەزەربايجان تاۋلى قاراباقتاعى سوعىس كەزٸندە قولعا تٷسكەن تۇتقىندارمەن الماستى. بۇل اقپاراتتى ازاتتىقتىڭ ارميان قىزمەتٸ حابارلادى.
ارميان تارابىنا - 44 تۇتقىن, ەزەربايجان جاعىنا 12 ادام تاپسىرىلعان. رەسەي قورعانىس مينيسترلٸگٸ تۇتقىن الماسۋ پروتسەسٸنە رەسەيلٸك بٸتٸمگەر ساربازداردىڭ قاتىسقانىن حابارلادى. وسىعان دەيٸن ارميان جەنە ەزەربايجان تارابى شۋشا قالاسىنداعى شايقاستان كەيٸن بٸر-بٸرٸنە مەيٸتتەر تاپسىرعان.
جەلتوقسان ايىنىڭ باسىندا تاۋلى قاراباقتا اتىستى توقتاتۋ تۋرالى ورتاق مەلٸمدەمەگە قول قويىلعاننان بەرٸ العاش رەت كەلٸسٸم شارتتارى بۇزىلدى. ارميان جەنە ەزەربايجان تارابى بٸر-بٸرٸن كٸنەلادى. ەزەربايجان بيلٸگٸ حادرۋتتا قالعان ارميان ەسكەرٸ "ٸرٸتكٸ سالىپ", "تەراكت ۇيىمداستىرۋمەن" اينالىستى, سونىڭ نەتيجەسٸندە تٶرت ەزەربايجان ساربازى قازا بولدى دەپ مەلٸمدەدٸ. ال ارمەنييا ەزەربايجاندى "بەيبٸت كەلٸسٸمدٸ بۇزدى" جەنە "ارانداتتى" دەپ ايىپتادى.
- تاۋلى قاراباقتا 1990 جىلدارى باستالعان شيەلەنٸس بيىل قىركٷيەكتٸڭ سوڭىندا قايتا ٶرشٸدٸ. باكۋ مەن ەرەۆان جاعدايدى ۋشىقتىردى دەپ بٸرٸن-بٸرٸ ايىپتادى. ەزەربايجان ەسكەرٸنٸڭ قاراباقتاعى بٸرنەشە اۋدانعا كٸرگەن سوڭ, 9 قاراشادا رەسەي, ەزەربايجان پرەزيدەنتتەرٸ جەنە ارمەنييا پرەمەر-مينيسترٸ سوعىس قيمىلدارىن توقتاتۋ تۋرالى ورتاق مەلٸمدەمە جاسادى. كەلٸسٸم بويىنشا ەزەربايجان مەن ارمەنييا كٷشتەرٸ سول سەتتەگٸ پوزيتسييالارىندا قالىپ, ايماققا رەسەيدٸڭ بٸتٸمگەر كٷشتەرٸ كٸرگٸزٸلدٸ. تاۋلى قاراباقتى قورشاي ورنالاسقان 7 اۋدان ەزەربايجانعا قايتارىلىپ, ارمەنيياعا قاراباقپەن جالعاستىراتىن ەنٸ 5 كم كٶلٸك دەلٸزٸ بەرٸلدٸ. كەلٸسٸم بويىنشا ارمەنييا دا ەزەربايجاندى ناحيچەۆان اۆتونومييالى رەسپۋبليكاسىمەن جالعايتىن ەنٸ 5 كم كٶلٸك دەلٸزٸن بەرۋٸ تيٸس. ەكٸ دەلٸزدٸ دە رەسەي بٸتٸمگەر كٷشتەرٸ باقىلايدى.
