ارمەنييا ەزەربايجان ٷستٸنەن بۇۇ-داعى حالىقارالىق سوتقا شاعىم تٷسٸردٸ. ەرەۆان باكۋدى جىلدار بويى ارمەنييا ازاماتتارى مەن ەتنيكالىق ارميانداردىڭ قۇقىعىن ٶرەسكەل بۇزدى دەپ ايىپتادى. بۇل تۋرالى ازاتتىق اگەنتتٸگٸ حابارلادى.
حالىقارالىق سوتتىڭ مەلٸمەتٸنە قاراعاندا, شاعىم يەسٸ ارمەنيياعا "قاستىق ساياساتىن جٷرگٸزگەن" ەزەربايجان "ارميانداردى نەسٸلدٸك تۇرعىدا الالادى" دەپ تۇجىرىمداعان. ەرەۆاننىڭ پٸكٸرٸنشە, سونىڭ سالدارىنان "ارمياندار جٷيەلٸ تٷردە ديسكريميناتسيياعا ۇشىراعان, جاپپاي ازاپتالىپ ٶلتٸرٸلگەن, ٶزگە دە كەمسٸتۋشٸلٸكتەرگە ۇشىراعان".
ارمەنييانىڭ پٸكٸرٸنشە, "ارميان ۇلتى مەن تەگٸنە" قارسى باعىتتالعان باكۋدٸڭ ەرەكەتٸ 2020 جىلى قىركٷيەكتە تاۋلى قاراباقتا جاعداي ۋشىققان كەزدە قايتا جاندانعان.
ارمەنييا شاعىمدا "قارۋلى قاقتىعىس كەزٸندە ەزەربايجان نەسٸلدٸك الالاۋدىڭ بارلىق تٷرٸمەن كٷرەس تۋرالى حالىقارالىق كونۆەنتسييا شارتتارىن ٶرەسكەل بۇزدى" دەپ ايىپتاعان.
رەسمي ەرەۆان "تٸپتٸ سوعىس اياقتالعاننان كەيٸن" ياعني, 2020 جىلى 10 قاراشادا اتىستى توقتاتۋ تۋرالى كەلٸسٸم كٷشٸنە ەنگەننەن كەيٸن دە ەزەربايجان "ارميان تۇتقىندارى مەن ۇستالعانداردى ٶلتٸرٸپ, ازاپتاۋدى, قورلاۋدى" جالعاستىرعان.
ەزەربايجان سىرتقى ٸستەر مينيسترلٸگٸ ٶكٸلٸ باكۋ "بارىنشا قورعانىپ", ارمەنييانى دەل سولاي ايىپتاپ, قارسى شاعىم تٷسٸرەتٸنٸن ايتتى.
تاۋلى قاراباقتاعى سوعىستان كەيٸن ەزەربايجان مەن ارمەنييا اراسىنداعى جاعداي ەلٸ ۋشىعىپ تۇر. بىلتىر التى اپتاعا سوزىلعان سوعىس كەمٸندە 6900 ادامنىڭ ٶمٸرٸن قيدى. 2020 جىلى قاراشا ايىندا تاراپتار مەسكەۋدٸڭ ارااعايىندىق ەتۋٸمەن اتىستى توقتاتۋ تۋرالى كەلٸسٸمگە قول قويدى. كەلٸسٸمگە سەيكەس, ارمەنييا تاۋلى قاراباقتاعى بٸرنەشە اۋداندى ەزەربايجانعا قايتارعان.
ەكٸ ەل اراسىنداعى اتىستى توقتاتۋ تۋرالى كەلٸسٸم جەنە ارمەنييانىڭ ٸس جٷزٸندە سوعىستا جەڭٸلۋٸ ەلدە ساياسي داعدارىسقا الىپ كەلگەن.
