"ارقانكەرگەن" قوسىنىندا بٸرنەشە ادامدى ٶلتٸرگەنٸ ٷشٸن جازاسىن ٶتەپ جاتقان ۆلاديسلاۆ چەلاحتىڭ ٸسٸن جوعارعى سوت قارايدى.
جوعارعى سوت سوتتالعان چەلاحتىڭ ٸستٸ قايتا قاراۋ تۋرالى ٶتٸنٸشٸن قاناعاتتاندىرعانىن راستادى, دەپ حابارلايدى Sputnik قازاقستان. ٶتٸنٸش بٸرٸككەن ۇلتتار ۇيىمىنىڭ ادام قۇقىقتارىن قورعايتىن كوميتەتٸنٸڭ شەشٸمٸمەن بايلانىستى.
جوعارعى سوتتىڭ قىلمىستىق ٸستەر جٶنٸندەگٸ سوت القاسى چەلاحتىڭ ٸسٸن 2019 جىلدىڭ 22 قاڭتارىندا قايتا قارايدى. سوتتا چەلاحتىڭ بولىپ-بولماۋى بەلگٸسٸز. سوتتىڭ ونىمەن ۆيدەوكونفەرەنتسييا ارقىلى بايلانىسقا شىعۋ مٷمكٸندٸگٸ بار.
ۆلاديسلاۆ چەلاحتىڭ ٸسٸن قاراشا ايىندا بۇۇ-نىڭ ادام قۇقىقتارى جٶنٸندەگٸ كوميتەتٸ قارادى. ۇيىمنىڭ كٶمەگٸنە مارقۇم ادۆوكات سەرٸك سەرسەنوۆ جٷگٸنگەن ەدٸ.
بۇۇ كوميتەتٸندەگٸلەر چەلاحتىڭ ٸسٸن قاراۋدا حالىقارالىق ازاماتتىق جەنە ساياسي قۇقىقتار پاكتٸسٸ بۇزىلدى دەگەن شەشٸم شىعاردى.
ارقانكەرگەندەگٸ قاندى قىرعىن
قازاقستان مەن قىتاي شەكاراسىنداعى "ارقانكەرگەن" قوسىنىنداعى ەلدٸ ەسەڭگٸرەتكەن قايعىلى وقيعا 2012 جىلدىڭ مامىر ايىندا بولدى. تەرگەۋ 19 جاستاعى ۆلاديسلاۆ چەلاح 14 قىزمەتتەسٸ مەن ەگەردٸ ٶلتٸرٸپ, كەيٸن كازارما مەن ادامداردىڭ مەيٸتٸن ٶرتەپ جٸبەردٸ.
سوت چەلاحتى 15 ادامنىڭ ٶلٸمٸ ٷشٸن كٸنەلٸ دەپ تاۋىپ, ٶمٸر بويىنا باس بوستاندىعىنان ايىردى. دەل قازٸر چەلاح تٷرمە جارگونى بويىنشا "قارا بٷركٸت" دەگەن اتاۋعا يە بولىپ جٷرگەن كولونييادا جازاسىن ٶتەپ جاتىر.
