تەنتەك سۋعا سىلقييا تويىپ العان الماتى وبلىسىنىڭ تۇرعىنى توعىز اي بۇرىن ٶزٸنٸڭ اعاسىن ٶلتٸرگەنٸن مويىنداعان. قاسكٶي جاساعان قىلمىسى تۋرالى تەرتٸپ ساقشىلارىنا ٶزٸ تەلەفون سوعىپ, ايتىپ بەرٸپتٸ.
جاڭاجىلدىق مەرەكەلەردەن سوڭ ٷشتٶبە اۋىلىنىڭ تۇرعىنى تەرتٸپ ساقشىلارىنا حابارلاسىپ, وسىدان ون اي بۇرىن اشۋمەن 47 جاستاعى مٷگەدەك اعاسىن ٶلتٸرٸپ العانىن ايتقان. ول تۋىسىنىڭ كەۋدە تۇسى مەن موينىنا بٸرنەشە جەردەن پىشاق ۇرىپتى. جارىمجان كٸسٸ العان جاراقاتىنان سول جەردە جان تاپسىرعان. ال كٷدٸكتٸ مەيٸتتٸ ٷيدٸڭ جەرتٶلەسٸنە كٶمٸپ تاستاپتى.
سەرگەي ەسٸمدٸ كٷدٸكتٸ ەكەسٸ جەنە مارقۇم تۋىسى - ٷشەۋٸ بٸرگە تۇرىپ جاتقان. ٷش بويداق ٸشٸمدٸككە تىم جاقىن بولعان. بۇلار كەزەكتٸ بٸر دۋماندى وتىرىس بولعان كٷننٸڭ ەرتەڭٸنە باس جازىپ جاتقاندا جانجال شىققان. ارتى قايعىلى اياقتالىپ وتىر. كٶرشٸلەردٸڭ ايتۋىنشا, قازا تاپقان كٸسٸ ٶتە جۋاس ەرٸ ەشكٸمگە زييانى جوق ازامات بولعان. ونىڭ كەنەتتەن كٶزدەن تاسا بولۋى اۋىلداستارىنىڭ دا كٷدٸگٸن تۋدىرىپتى. بٸراق قاسكٶيلٸك جاساعان ازامات اتتاس اعاسى الماتىداعى اعايىندارعا كەتتٸ دەپ ەلدٸ الداپ كەلگەن.
انتونينا گورەەۆا, كٷدٸكتٸنٸڭ كٶرشٸسٸ:
- كٷندە جٷرگەن ادام كەنەتتەن جوق بولىپ, سول كٷيٸ ورالمادى. سەرگەيدەن سۇراساق, ەلگٸندەي جاۋاپ ايتادى. مۇنداي قىلمىس جاساعانداردى قۇداي جازاسىز قالدىرمايدى. ونىڭ مويىنداعانىنا شٷكٸر دەۋ كەرەك. ەگەر مٷلدەم ايتپاسا قايتەر ەدٸ? بۇل ٸس سول كٷيٸ جابۋلى قالار ەدٸ عوي.
ال, پوليتسەيلەر سەرگەيدٸڭ ٶزٸ حابارلاسىپ, قىلمىسىن مويىنداعانىنا اڭ-تاڭ. كٷدٸكتٸ تەلەفون سوققاندا ۋداي ماس بولىپتى. ەرٸ ەلەس جايىندا جيٸ-جيٸ قايتالاي بەرگەن.
دامير امانجولوۆ, قاراتال اۋداندىق ٸٸب باستىعىنىڭ ورىنباسارى:
- ونىڭ 102-گە حابارلاسىپ, ادام ٶلتٸردٸم دەگەنٸنە ەشكٸم سەنبەدٸ. بٸراق بٸزدٸڭ قىزمەتكەرلەر بارعاندا ول بٸردەن جەرتٶلەگە كٶمٸلگەن مەيٸتتٸ كٶرسەتكەن. 10 ايدا مارقۇمنىڭ دەنەسٸنٸڭ تەك سٷيەگٸ عانا قالىپتى. ال, اراققا تويىپ العان ٶزٸ مارقۇمنىڭ جيٸ تٷسٸنە كٸرٸپ, مازا بەرمەيتٸنٸن ايتقان.
قازٸر مارقۇمنىڭ دەنەسٸ ساراپتاماعا جٸبەرٸلگەن. ال اعاسىن ٶلتٸرگەن سەرگەيدٸڭ ٷستٸنەن ادام ٶلتٸرۋ بابى بويىنشا ٸس قوزعالدى. ەندٸ ول 7 جىلدان 15 جىلعا دەيٸن باس بوستاندىعىنان ايىرىلۋى مٷمكٸن. بٸراق ٶزٸ كەلٸپ كٸنەسٸن مويىنداۋىنا بايلانىستى جازاسىنىڭ جەڭٸلدەۋٸ دە ىقتيمال.
