اقتٶبە وبلىسىنىڭ شالقار قالاسىندا 17 جاستاعى وقۋشىنىڭ ٶلٸمٸنە قاتىستى قىلمىستىق ٸس بويىنشا سوت پروتسەسٸ باستالدى. وقۋشىنى ٶلتٸردٸ دەپ 18 جاستاعى بٸرٸنشٸ كۋرس ستۋدەنتٸ ايىپتالىپ وتىر, دەپ حابارلايدى ult.kz.
كتك ارناسىنىڭ مەلٸمەتٸنشە, قايعىلى وقيعا 19 ناۋرىزدا بولعان. تەرگەۋ نۇسقاسىنا سەيكەس, سول كٷنٸ ەكٸ توپ جاسٶسپٸرٸم اراسىندا جانجال شىعىپ, ارتى جاپپاي تٶبەلەسكە ۇلاسقان. تٶبەلەس كەزٸندە 17 جاستاعى ەليحان جەنٸبەكوۆتٸڭ جٷرەك تۇسىنا پىشاق تيٸپ, ول كٶز جۇمعان.
پروكۋروردىڭ كٶمەكشٸسٸ گٷلزيرا كٶشەرباەۆانىڭ ايتۋىنشا, سوتتالۋشى جانجال كەزٸندە پىشاق قولدانۋدى الدىن الا ويلاستىرعان. ايىپتاۋ تاراپىنىڭ نۇسقاسى بويىنشا, ول ورالدان شالقارعا وسى ماقساتپەن كەلگەن.
ٸس ماتەريالدارىنا سەيكەس, وقيعا بولعان كٷنٸ كەشكٸ ساعات 22:00 شاماسىندا سوتتالۋشى جٷرگٸزۋشٸ كۋەلٸگٸ بولماسا دا, اناسىنىڭ كٶلٸگٸن رۇقساتسىز الىپ, دوستارىمەن قالانىڭ ەكٸنشٸ بٶلٸگٸنە بارعان. ونىڭ جانىندا اڭشىلىق پىشاعى بولعان.
الايدا سوتتالۋشى ٶز كٸنەسٸن مويىندامايدى. ول تەك كٶلٸكتٸ اناسىنىڭ رۇقساتىنسىز جٷرگٸزگەنٸن مويىنداپ, پىشاقتى ٶزٸنە شابۋىل جاسالعاندىقتان قورعانۋ ٷشٸن قولدانعانىن ايتتى.
«15 شاقتى جٸگٸتتٸڭ ماعان قاراي جٷگٸرٸپ كەلە جاتقانىن كٶردٸم. ەليحان قولىمنان ۇستاپ الدى, قالعاندارى جابىلدى. ٶلٸپ كەتۋٸم نەمەسە مٷگەدەك بولىپ قالۋىم مٷمكٸن دەپ قورىقتىم. سوندىقتان پىشاقپەن ۇردىم», – دەدٸ ول سوتتا.
مارقۇمنىڭ تۋىستارى بۇل نۇسقامەن كەلٸسپەيدٸ. ولاردىڭ ايتۋىنشا, سوتتالۋشى جەنە ونىڭ دوستارى ەليحان تۇرعان اۋدانعا ەدەيٸ كەلگەن. جاسٶسپٸرٸمدەر مەكتەپ وقۋشىلارىن تاۋىپ, ولاردى كەزدەسۋگە شاقىرعان.
«ولار ەليحان تۇراتىن اۋدانعا ەدەيٸ كەلگەن. وقۋشىلاردى تاۋىپ الىپ, تەلەفونعا تٷسٸرگەن. كەيٸن بەينەنٸ جٸبەرٸپ, ٷلكەندەرٸ كەزدەسۋگە كەلمەسە, ولاردى جازالايتىندارىن ايتقان. ەليحان سول جەرگە وسىلاي بارعان», – دەدٸ مارقۇمنىڭ تۋىسى اعيلا ەلٸمانوۆا.
سوتتا بۇعان دەيٸن دە سوتتالۋشىنىڭ زاڭمەن مەسەلەسٸ بولعانى ايتىلدى. بٸر جىل بۇرىن ول شالقار تۇرعىنىن ۇرىپ-سوققانى ٷشٸن جاۋاپقا تارتىلعان. الايدا سوتتالۋشى بۇل وقيعانىڭ مەن-جايىن ەسٸنە تٷسٸرە المايتىنىن مەلٸمدەدٸ.
سوتتالۋشى مارقۇمنىڭ تۋىستارىنان كٶپشٸلٸك الدىندا كەشٸرٸم سۇراپ, ەليحاندى ٶلتٸرۋ نيەتٸ بولماعانىن ايتتى. ال ٸس ماتەريالدارىنا سەيكەس, پىشاق جاراقاتىن سالعاننان كەيٸن ول وقيعا ورنىنان كەتٸپ, تجو عيماراتىنا جاسىرىنعان.
سوت ەندٸ سول تٷنٸ بولعان وقيعانىڭ ناقتى مەن-جايىن انىقتايدى. مارقۇمنىڭ تۋىستارى سوتتالۋشىعا ەڭ اۋىر جازا تاعايىنداۋدى تالاپ ەتٸپ وتىر.
