اقتٶبەدە جاڭا فۋتبول ستاديونىن سالۋعا ٷكٸمەت رەزەرۆٸنەن 6,5 ملرد تەڭگە بٶلٸندٸ, دەپ حابارلايدى ult.kz.
قاراجات مەملەكەت باسشىسى قاسىم-جومارت توقاەۆتىڭ 2025 جىلى ۇلتتىق قۇرىلتايدىڭ IV وتىرىسىندا بەرگەن فۋتبولدى دامىتۋ جەنە ٶڭٸرلەردەگٸ سپورت ينفراقۇرىلىمىن جاڭعىرتۋ جٶنٸندەگٸ تاپسىرماسىن ورىنداۋ اياسىندا باعىتتالدى.
جاڭا ستاديون قالانىڭ باتىس بٶلٸگٸندە, اۋماعى 25 گەكتار جەردە سالىنىپ جاتىر. ارەنا 35 مىڭ كٶرەرمەنگە دەيٸن قابىلداي الادى. جوبا ۋەفا-نىڭ 4-دەڭگەي تالاپتارىنا سەيكەس ەزٸرلەنگەن.
جالپى اۋدانى 80 مىڭ شارشى مەتردەن اساتىن بەس قاباتتى سپورت كەشەنٸندە فۋتبول الاڭى مەن كٶرەرمەندەر تريبۋنالارىنان بٶلەك, كوماندالار مەن باق ٶكٸلدەرٸنە قاجەتتٸ ينفراقۇرىلىم قاراستىرىلادى. سونىمەن قاتار نىساندا جاس سپورتشىلاردى دايارلاۋعا مٷمكٸندٸك جاسالادى.
جوبانى ٷش كەزەڭدە ٸسكە اسىرۋ جوسپارلانعان. ٷكٸمەت بٶلگەن 6,5 ملرد تەڭگە قۇرىلىستىڭ بيىل باستالعان بٸرٸنشٸ كەزەڭٸنە جۇمسالادى. ستاديوندى 2028 جىلدىڭ قىركٷيەگٸندە پايدالانۋعا بەرۋ جوسپارلانىپ وتىر.
جاڭا ارەنانىڭ قۇرىلىسى اقتٶبەدەگٸ فۋتبولعا دەگەن جوعارى سۇرانىسقا بايلانىستى قولعا الىنعان. قالاداعى قازٸرگٸ ورتالىق ستاديون 1975 جىلى سالىنعان جەنە شامامەن 13 مىڭ كٶرەرمەنگە ارنالعان.
«اقتٶبە» فۋتبول كلۋبىنىڭ ٶز الاڭىنداعى ماتچتارىنا قىزىعۋشىلىق جوعارى. كەي كەزدەرٸ ويىنعا بارعىسى كەلەتٸن جانكٷيەرلەر سانى قولدانىستاعى ستاديون سىيىمدىلىعىنان ٷش ەسە اسىپ تٷسەدٸ.
جاڭا ارەنا جانكٷيەرلەردٸ كٶبٸرەك قابىلداپ قانا قويماي, حالىقارالىق دەڭگەيدەگٸ فۋتبول ماتچتارىن, سونداي-اق ٸرٸ سپورتتىق, مەدەني جەنە قوعامدىق ٸس-شارالاردى ٶتكٸزۋگە مٷمكٸندٸك بەرەدٸ.
