اقتٶبە وبلىسىندا دەنساۋلىق ساقتاۋ سالاسىنداعى ٷش نىساننىڭ قۇرىلىسىنا 5,7 ملرد تەڭگەدەن استام قارجى بٶلٸندٸ. جوبالار اقتٶبە قالاسىندا جاڭا جەدەل جەردەم قوسالقى ستانساسىن, ىرعىز اۋدانىندا ەمحانا جەنە جاڭاقونىس تۇرعىن الابىندا وبلىستىق پسيحيكالىق دەنساۋلىق ورتالىعىنىڭ قوسىمشا عيماراتىن سالۋدى كٶزدەيدٸ, دەپ حابارلايدى ult.kz.
بارلىق نىساندى 2027 جىلدىڭ سوڭىنا دەيٸن اياقتاۋ جوسپارلانىپ وتىر.
اقتٶبە قالاسىنىڭ قارعالى تۇرعىن الابىندا قۇنى 3 ملرد تەڭگەدەن اساتىن جەدەل جەنە شۇعىل مەديتسينالىق كٶمەك قوسالقى ستانساسى سالىنادى. نىسان 10 سانيتارلىق كٶلٸككە ارنالعان گاراجبەن جابدىقتالىپ, جىلىنا 25 مىڭ شاقىرتۋعا قىزمەت كٶرسەتۋگە ەسەپتەلگەن.
جاڭا ستانسا جەدەل جەردەم بريگادالارىنىڭ كەلۋ ۋاقىتىن قىسقارتۋعا مٷمكٸندٸك بەرەدٸ. ول قارعالى, اقجار, كٶكتەم, قىزىلجار جەنە قالا ماڭىنداعى باسقا دا قارقىندى دامىپ جاتقان تۇرعىن الاپتارىنا قىزمەت كٶرسەتەدٸ.
قازٸر جۇمىس ٸستەپ تۇرعان قوسالقى ستانسانىڭ جەتٸ بريگاداسى شامامەن 110 مىڭ ادامعا قىزمەت كٶرسەتەدٸ. اتالعان اۋماقتاردىڭ ودان ەرٸ دامۋىنا بايلانىستى جەدەل جەردەم قىزمەتٸنە تٷسەتٸن جٷكتەمەنٸڭ ارتۋى كٷتٸلەدٸ.
سونىمەن قاتار ىرعىز اۋداندىق اۋرۋحاناسىنىڭ جانىنان اۋىسىمىنا 300 ادام قابىلدايتىن ەكٸ قاباتتى ەمحانا سالىنادى. جوبانىڭ قۇنى – 1,3 ملرد تەڭگە.
ال جاڭاقونىس تۇرعىن الابىنداعى وبلىستىق پسيحيكالىق دەنساۋلىق ورتالىعى ٷشٸن قۇنى 1,4 ملرد تەڭگە بولاتىن ەكٸ قاباتتى عيمارات بوي كٶتەرەدٸ.
جاڭا نىسانداردىڭ ٸسكە قوسىلۋى مەديتسينالىق ۇيىمداردىڭ كابينەت قورىن كەڭەيتٸپ, پاتسيەنتتەردٸ قابىلداۋ جاعدايىن جاقسارتۋعا مٷمكٸندٸك بەرەدٸ.
جوبالار ٶڭٸردەگٸ مەديتسينالىق ينفراقۇرىلىمدى جاڭعىرتىپ, تۇرعىندارعا كٶرسەتٸلەتٸن مەديتسينالىق قىزمەتتەردٸڭ قولجەتٸمدٸلٸگٸ مەن ساپاسىن ارتتىرۋعا باعىتتالعان.
