اقتاۋدا جەرگٸلٸكتٸ تۇرعىن اقتوتى احمەتقىزى 14 جاستاعى ٸنٸسٸنٸڭ ەكٸ جاسٶسپٸرٸمنٸڭ قاتىگەز شابۋىلىنا ۇشىراعانىن مەلٸمدەدٸ. ونىڭ ايتۋىنشا, كٷدٸكتٸلەر بالانى اياۋسىز ۇرىپ-سوعىپ, بولعان وقيعانى ۆيدەوعا تٷسٸرٸپ, كەيٸن جازبانى ونىڭ دوسىنا قورقىتۋ ماقساتىندا جٸبەرگەن. قازٸر زارداپ شەككەن جاسٶسپٸرٸم باسىنان العان جاراقاتىنا بايلانىستى وبلىستىق بالالار اۋرۋحاناسىندا ەم قابىلداپ جاتىر, دەپ حابارلايدى Lada.kz-كە سٸلتەمە جاساپ ult.kz.
اقتوتى احمەتقىزىنىڭ ايتۋىنشا, 4 تامىز كٷنٸ تاڭەرتەڭ ٸنٸسٸ 32ا شاعىناۋدانداعى №10 ٷيدٸڭ جانىنداعى دٷكەنگە شىققان. سول كەزدە وعان شامامەن 16-17 جاستاعى ەكٸ جاسٶسپٸرٸم جاقىنداعان.
ولاردىڭ ايتۋىنشا, كٷدٸكتٸلەر بالادان تەلەفونى ارقىلى سول ٷيدە تۇراتىن دوسىنا قوڭىراۋ شالىپ, سىرتقا شىعۋىن سۇراۋدى تالاپ ەتكەن.
الايدا مەكتەپ وقۋشىسى بۇدان باس تارتقان سوڭ, جاسٶسپٸرٸمدەر ونى سوققىعا جىعىپ, بولعان جايتتى ونىڭ تەلەفونىنا ۆيدەوعا تٷسٸرگەن. كەيٸن بۇل جازبانى دوسىنا جٸبەرٸپ, «ەگەر سىرتقا شىقپاساڭ, دوسىڭنىڭ دا كٷنٸ وسىلاي بولادى» دەپ قورقىتقان.
«بۇل ادامشىلىققا جات ەرەكەت. وسىنداي قاتىگەزدٸكپەن ولار ەرتەڭ ادام ٶلتٸرۋگە دەيٸن بارۋى مٷمكٸن», – دەيدٸ اقتوتى احمەتقىزى.
ونىڭ سٶزٸنشە, وقيعادان كەيٸن كٷدٸكتٸ جاسٶسپٸرٸمدەر انالارىنىڭ قاتىسۋىمەن 32ۆ شاعىناۋدانىنداعى №8 ٷيدە ورنالاسقان پوليتسييانىڭ تٸرەك پۋنكتٸنە جەتكٸزٸلگەن.
«ولار كٸنەسٸن مويىندامادى. ونىڭ ٷستٸنە, پوليتسييا قىزمەتكەرلەرٸنٸڭ كٶزٸنشە ولاردىڭ بٸرٸ: "يە, مەن ۇردىم. قاجەت بولسا تاعى دا ۇرامىن. نە ٸستەي الاسىڭ?" دەپ ايتىپ, بٸزگە دە اگرەسسيۆتٸ مٸنەز كٶرسەتتٸ», – دەيدٸ ول.
زارداپ شەككەن بالا ماڭعىستاۋ وبلىستىق بالالار اۋرۋحاناسىنا جەتكٸزٸلٸپ, كومپيۋتەرلٸك توموگرافييا جەنە باسقا دا مەديتسينالىق تەكسەرۋلەردەن ٶتكەن. ەپكەسٸنٸڭ ايتۋىنشا, دەرٸگەرلەر ونىڭ باسىنان اۋىر جاراقات انىقتاپ, شۇعىل تٷردە اۋرۋحاناعا جاتقىزعان.
سونداي-اق اقتوتى احمەتقىزى پوليتسييانىڭ تٸرەك پۋنكتٸندە ولاردىڭ ارىزى بٸردەن قابىلدانباعانىن ايتتى. ونىڭ سٶزٸنشە, بٸرنەشە ساعاتتان كەيٸن عانا ولار قالالىق پوليتسييا باسقارماسىنا رەسمي تٷردە ارىز بەرە العان.
«بٸز پوليتسييادان, پروكۋراتۋرادان, دەنساۋلىق ساقتاۋ باسقارماسىنان جەنە ەكٸمدٸكتەن بۇل وقيعانى نازاردان تىس قالدىرماي, كٸنەلٸلەرگە زاڭ اياسىندا ەڭ قاتاڭ شارا قولدانۋدى سۇرايمىز. ەگەر بٷگٸن ولار ادامدى ۇرىپ-سوقسا, ەرتەڭ ودان دا اۋىر قىلمىسقا بارۋى مٷمكٸن. ەگەر دەل قازٸر توقتاتىلماسا, ەرتەڭ تاعى بٸر بالا زارداپ شەگۋٸ ىقتيمال», – دەدٸ ول.
