رەسەي ەسكەرٸنٸڭ 16 ناۋرىزدا ماريۋپولدەگٸ دراما تەاترعا جاساعان ەۋە سوققىسىنان شامامەن 600 ادام قازا تاپتى.
تەاتر عيماراتىنا مىڭعا جۋىق ادام تىعىلعان, دەپ جازدى Associated Press. اگەنتتٸك وسى وقيعانى ارنايى زەرتتەگەن.
جۋرناليستەر ەۋە سوققىسىنان امان قالعان 23 اداممەن, قۇتقارۋشىلارمەن, تەاتر عيماراتىن جاقسى بٸلەتٸندەرمەن سٶيلەسٸپ, سوققىعا دەيٸن جەنە كەيٸن تٷسٸرٸلگەن سۋرەتتەر مەن ۆيدەولاردى ساراپتادى. بۇل اقپارات تەاتردىڭ 3D-نۇسقاسىن جاساۋعا قاجەت بولدى. كۋەگەرلەر سونىڭ كٶمەگٸمەن ادامدار تەاتردىڭ قاي جەرلەرٸن پانالاعانىن جۋرناليستەرگە كٶرسەتتٸ.
16 كۋەگەر عيماراتتا ادام كٶپ بولعانى سونشا, ەربٸر ٷش شارشى مەترگە بٸر ادامنان ورنالاسقانىن ايتتى. ادامدار بٶلمەلەردە, دەلٸزدەردە وتىرعان. عيمارات ماڭىنداعى اسحانادا جٷزگە جۋىق ادام بولعان. ولاردىڭ بەرٸ قازا تاپتى.
سوققىدان امان قالعان ەكٸ ادام تەاتردا 300-گە جۋىق ادام وپات بولدى دەپ ەسەپتەگەن. قالا بيلٸگٸ دە ەۋەلٸ وسى مەلٸمەتتٸ جارييالاعان. ماريۋپول پوليتسيياسىنىڭ بٸر قىزمەتكەرٸ مەن قىزىل كرەست ٶكٸلٸ ەۋە سوققىسىنان كەم دەگەندە 500 ادام قازا تاپتى دەپ بولجادى. Associated Press مەيٸتتەردٸڭ كەيبٸرٸن رەسەيلٸك ەسكەريلەر الىپ كەتكەن دەپ توپشىلادى.
اگەنتتٸك زەرتتەۋشٸلەرٸ سوعىس جاعدايىندا ناقتى قانشا ادام قازا تاپقانىن انىقتاۋ مٷمكٸن ەمەستٸگٸن ەسكەرتتٸ.
ەۋە سوققىسى قارساڭىندا سپۋتنيكتەن تٷسٸرٸلگەن سۋرەتتە تەاتر عيماراتى الدىندا "دەتي" دەگەن جازۋ انىق كٶرٸنٸپ تۇر. ەقىۇ تەاترعا جاساعان شابۋىلدى حالىقارالىق گۋمانيتارلىق قۇقىقتى بۇزۋ, ەسكەري قىلمىس دەپ اتادى.
رەسەي قورعانىس مينيسترلٸگٸ ماريۋپول دراما تەاترىن وسى عيماراتقا جاسىرىنعان ۋكراين ەسكەريلەرٸ جاردى دەپ مەلٸمدەدٸ, بٸراق دەلەل ۇسىنبادى.
ماريۋپول – ازوۆ تەڭٸزٸندەگٸ پورتتى قالا. جەرگٸلٸكتٸ بيلٸك كەم دەگەندە 20 مىڭ ادام قازا تاپقانىن حابارلادى. قالاداعى قۇرىلىستاردىڭ 90 پايىزى قيراعان.
