رەسەيدە بەسٸنشٸ كٷن قاتارىنان كوروناۆيرۋستان قايتىس بولعاندار سانى بويىنشا رەكورد جاڭارىپ وتىر – ٶتكەن تەۋلٸكتە ۆيرۋستان 1 075 ادام كٶز جۇمدى. بٸر كٷن بۇرىن بۇل كٶرسەتكٸش 1 064 بولعان. اتالعان دەرەكتەردٸ جاڭا ۆيرۋسپەن كٷرەس جٶنٸندەگٸ فەدەرالدى جەدەل شتاب جارييالادى, دەپ حابارلايدى قازاقپارات تاسس اگەنتتٸگٸنە سٸلتەمە جاساپ.
شتاب دەرەكتەرٸنە ساي, پاندەمييانىڭ باسىنان بەرٸ ۆيرۋستان بارلىعى 229 528 ادام كٶز جۇمعان. شارتتى ٶلٸم ٷلەسٸ (ناقتى ٷلەسٸ ەپيدەمييا اياقتالعاننان كەيٸن بەلگٸلٸ بولادى) – 2,8%.
اتاپ ايتقاندا, بٸر تەۋلٸكتە مەسكەۋدە 82, سانكت-پەتەربۋرگتە 67, كراسنودار ٶلكەسٸ مەن نيجەگورود وبلىسىندا 42-دەن, باشقۇرتستاندا 35, روستوۆ, سۆەردلوۆ وبلىستارى مەن ستاۆروپول ٶلكەسٸندە 34 ادامنان قايتىس بولدى.
جاڭا جاعدايلار سانى بٸر تەۋلٸكتٸڭ ٸشٸندە 37 678-گە ٶسٸپ, 8 205 923-كە جەتتٸ. بۇل دا پاندەمييانىڭ باسىنان بەرگٸ ەڭ جوعارى كٶرسەتكٸش.
وسىلايشا, ەلدەگٸ جۇقتىرعاندار سانى بويىنشا رەكورد قاتارىنان ٷش رەت جاڭارىپ وتىر. جۇقتىرعاندار ٷلەسٸ 0,46%-عا ارتتى.
اتاپ ايتقاندا, بٸر تەۋلٸكتٸڭ ٸشٸندە مەسكەۋ وبلىسىندا 2 783, سامارا وبلىسىندا 997, نيجەگورود وبلىسىندا 761, ۆورونەج وبلىسىندا 729, باشقۇرتستان رەسپۋبليكاسىندا 667 جاعداي تٸركەلدٸ.
شتاب دەرەكتەرٸنە ساي, بەلسەندٸ جاعدايلار سانى 833 318-گە ٶسكەن.
ال جازىلىپ شىققاندار سانى بٸر تەۋلٸكتٸڭ ٸشٸندە 26 077-گە ٶسٸپ, 7 143 137-گە جەتتٸ. جازىلىپ شىققان ناۋقاستار ٷلەسٸ 87%-عا دەيٸن تٶمەندەگەن.
اتاپ ايتقاندا, مەسكەۋدە اۋرۋدى جەڭگەندەر سانى 3 986, سانكت-پەتەربۋرگتە 2 887, مەسكەۋ وبلىسىندا 2 333, قىرىمدا 823, سامارا وبلىسىندا 752, باشقۇرتستان مەن ۋليانوۆ وبلىسىندا 649 پەن 630-عا كٶبەيگەن.
مەسكەۋدٸڭ ٶزٸنە كەلەر بولساق, وندا كوروناۆيرۋس جۇقتىرعاندار سانى بٸر تەۋلٸكتٸڭ ٸشٸندە 7 803-كە ٶسٸپ, 1 761 650-گە جەتكەن. بٸر كٷن بۇرىن بۇل كٶرسەتكٸش 8 166 بولعان. جۇقتىرعاندار ٷلەسٸ – 0,45%.
ال قايتىس بولعاندار سانى بٸر تەۋلٸكتە 82-گە ٶستٸ, كٷن بۇرىن بۇل كٶرسەتكٸش 79 بولعان. بارلىعى قالادا 30 619 ادام (جۇقتىرعانداردىڭ 1,74%-ى) قايتىس بولعان, دەلٸنگەن شتاب دەرەكتەرٸندە.
جازىلىپ شىققاندار سانى مەسكەۋدە بٸر تەۋلٸكتە 3 986-عا ٶسٸپ, 1 556 721-گە جەتكەن. شتابتىڭ حابارلاۋىنشا, قازٸرگٸ كەزدە ەل استاناسىندا 174 310 ادام ەم الىپ جاتىر.
