Reseide besinshi kún qatarynan koronavirýstan qaitys bolǵandar sany boiynsha rekord jańaryp otyr – ótken táýlikte virýstan 1 075 adam kóz jumdy. Bir kún buryn bul kórsetkish 1 064 bolǵan. Atalǵan derekterdi Jańa virýspen kúres jónindegi federaldy jedel shtab jariialady, dep habarlaidy QazAqparat TASS agenttigine silteme jasap.
Shtab derekterine sai, pandemiianyń basynan beri virýstan barlyǵy 229 528 adam kóz jumǵan. Shartty ólim úlesi (naqty úlesi epidemiia aiaqtalǵannan keiin belgili bolady) – 2,8%.
Atap aitqanda, bir táýlikte Máskeýde 82, Sankt-Peterbýrgte 67, Krasnodar ólkesi men Nijegorod oblysynda 42-den, Bashqurtstanda 35, Rostov, Sverdlov oblystary men Stavropol ólkesinde 34 adamnan qaitys boldy.
Jańa jaǵdailar sany bir táýliktiń ishinde 37 678-ge ósip, 8 205 923-ke jetti. Bul da pandemiianyń basynan bergi eń joǵary kórsetkish.
Osylaisha, eldegi juqtyrǵandar sany boiynsha rekord qatarynan úsh ret jańaryp otyr. Juqtyrǵandar úlesi 0,46%-ǵa artty.
Atap aitqanda, bir táýliktiń ishinde Máskeý oblysynda 2 783, Samara oblysynda 997, Nijegorod oblysynda 761, Voronej oblysynda 729, Bashqurtstan Respýblikasynda 667 jaǵdai tirkeldi.
Shtab derekterine sai, belsendi jaǵdailar sany 833 318-ge ósken.
Al jazylyp shyqqandar sany bir táýliktiń ishinde 26 077-ge ósip, 7 143 137-ge jetti. Jazylyp shyqqan naýqastar úlesi 87%-ǵa deiin tómendegen.
Atap aitqanda, Máskeýde aýrýdy jeńgender sany 3 986, Sankt-Peterbýrgte 2 887, Máskeý oblysynda 2 333, Qyrymda 823, Samara oblysynda 752, Bashqurtstan men Ýlianov oblysynda 649 pen 630-ǵa kóbeigen.
Máskeýdiń ózine keler bolsaq, onda koronavirýs juqtyrǵandar sany bir táýliktiń ishinde 7 803-ke ósip, 1 761 650-ge jetken. Bir kún buryn bul kórsetkish 8 166 bolǵan. Juqtyrǵandar úlesi – 0,45%.
Al qaitys bolǵandar sany bir táýlikte 82-ge ósti, kún buryn bul kórsetkish 79 bolǵan. Barlyǵy qalada 30 619 adam (juqtyrǵandardyń 1,74%-y) qaitys bolǵan, delingen shtab derekterinde.
Jazylyp shyqqandar sany Máskeýde bir táýlikte 3 986-ǵa ósip, 1 556 721-ge jetken. Shtabtyń habarlaýynsha, qazirgi kezde el astanasynda 174 310 adam em alyp jatyr.
