ٶتكەن تەۋلٸكتە قازاقستاندا كوروناۆيرۋس ينفەكتسيياسىن جۇقتىرعانى پتر تەستٸمەن دەلەلدەنگەن 2 122 ناۋقاس تٸركەلدٸ. بۇل – ٸندەت باستالعالى بەرگٸ ەڭ ٷلكەن كٶرسەتكٸش.
ۆيرۋس جۇقتىرعانداردىڭ تەۋلٸكتٸك كٶرسەتكٸشٸ بويىنشا ەلوردا الدا كەلەدٸ. نۇر-سۇلتاندا Covid-پەن 647 ناۋقاس تٸركەلدٸ. ەلدٸڭ ەڭ ٷلكەن قالاسى – الماتىدا جۇما كٷنٸ 438 ادامعا كوروناۆيرۋس جۇققان.
ايماقتار اراسىندا الماتى وبلىسى بٸرٸنشٸ ورىندا تۇر, مۇندا دياگنوزى زەرتحاندا راستالعان 259 ادام تٸركەلدٸ. ەڭ سوڭعى ورىندا – تٷركٸستان وبلىسى, بۇل ايماقتا 16 ناۋقاس قوسىلعان.
قالالار مەن ٶڭٸرلەر بويىنشا تولىق دەرەك:
- نۇر-سۇلتان قالاسى - 438,
- الماتى قالاسى - 647,
- شىمكەنت قالاسى - 66,
- اقمولا وبلىسى - 48,
- اقتٶبە وبلىسى - 137,
- الماتى وبلىسى - 258,
- اتىراۋ وبلىسى - 110,
- شىعىس قازاقستان وبلىسى - 42,
- جامبىل وبلىسى - 23,
- باتىس قازاقستان وبلىسى - 112,
- قاراعاندى وبلىسى - 85,
- قوستاناي وبلىسى - 35,
- قىزىلوردا وبلىسى - 32,
- ماڭعىستاۋ وبلىسى - 25,
- پاۆلودار وبلىسى - 31,
- سولتٷستٸك قازاقستان وبلىسى - 17,
- تٷركٸستان وبلىسى - 16.
3 سەۋٸردەگٸ مەلٸمەت بويىنشا, 26 821 ادام كوروناۆيرۋس ينفەكتسيياسىنان (25 362 كۆي+ جەنە 1 459 كۆي-) ەمدەلٸپ جاتىر.
ونىڭ ٸشٸندە 9 554 پاتسيەنت - ستاتسيوناردا, 17 267 ناۋقاس امبۋلاتورييالىق دەڭگەيدە ەم قابىلداۋدا.
كوروناۆيرۋسقا شالدىققاندار اراسىندا:
• 377 ادامنىڭ جاعدايى اۋىر;
• 98 پاتسيەنتتٸڭ جاعدايى ٶتە اۋىر;
• 63 ناۋقاس ٶجج اپپاراتىندا جاتىر.
دەنساۋلىق ساقتاۋ مينيسترلٸگٸ بەيسەنبٸدە پتر تەستٸ كەرٸ نەتيجە كٶرسەتسە دە, ٶزدەرٸ "كوروناۆيرۋسقا ۇقساس پنەۆمونييامەن" اۋىرعان 70 ناۋقاس تٸركەلگەنٸن حابارلادى. بىلتىر جازدا قازاقستاندا ٶكپەسٸ قابىنعاندار سانى كٷرت ارتقان تۇستا دٷنيەجٷزٸلٸك دەنساۋلىق ساقتاۋ ۇيىمى مۇنى كوروناۆيرۋس تارالۋىنىڭ سالدارى دەپ اتاپ, قىسىم جاساعان سوڭ عانا دەنساۋلىق ساقتاۋ مينيسترلٸگٸ تامىزدان باستاپ مۇنداي ناۋقاستاردى بٶلەك ەسەپتەي باستاعان. دەگەنمەن, "پنەۆمونييا" قاتتى ٶرشٸگەن ماۋسىم-شٸلدەنٸڭ دەرەگٸ ستاتيستيكاعا ەنبەدٸ.
مينيسترلٸك "كوروناۆيرۋسقا ۇقساس پنەۆمونييامەن" اۋىرعاندار دەرەگٸن بٸر كٷن كەشٸكتٸرٸپ شىعارادى, بۇل ەكٸ ستاتيستيكانى قوسىپ ەسەپتەۋدە قيىندىق تۋعىزادى.
ونىڭ ٷستٸنە, مينيسترلٸك Covid دياگنوزى زەرتحانادا راستالعاندار مەن "سوعان ۇقساس پنەۆمونيياعا" شالدىققاندار دەرەگٸن بٶلەك سانايدى. رەسمي دەرەك بويىنشا, بىلتىرعى ناۋرىزدان بەرٸ ەلدە كوروناۆيرۋس جۇقتىرعان 251 053 ادام تٸركەلگەن, 222 606 پاتسينەت جازىلىپ شىعىپ, 3 085 كٸسٸ وسى دەرتتەن كٶز جۇمعان. تامىزدان بەرٸ 50 765 ادام "پنەۆمونيياعا" شالدىعىپ, 696 ناۋقاس قايتىس بولدى.
قازاقستاننىڭ ەكٸ بٶلەك دەرەگٸن قوسىپ ەسەپتەگەن امەريكالىق دجونس حوپكينس ۋنيۆەرسيتەتٸنٸڭ تۇجىرىمى بويىنشا, ەلدە 299 مىڭنان استام ادام Covid دەرتٸنە شالدىققان. ەلەمدە 130 ميلليونداي ادام كوروناۆيرۋس جۇقتىرىپ, 3,8 ميلليونى وسى اۋرۋدان كٶز جۇمدى.
