انتالييانىڭ ەۋەجايىندا تٶلقۇجاتسىز قالىپ قويعان 15 جاستاعى قازاقستاندىق قىز بٷگٸن ەلگە ورالدى. بۇل تۋرالى قىزدىڭ اناسى اسىل نەسٸپباەۆا ايتىپ بەردٸ, دەپ حابارلايدى قازاقپارات.
ونىڭ ايتۋىنشا, كەمەلەتكە تولماعان بالانى بٶتەن ەلدە قالدىرىپ كەتكەن سەنٸمدٸ ٶكٸلٸنە قاتىستى قىلمىستىق ٸس قوزعالعان.
«قىزىم قازاقستانعان جەتتٸ. قازٸر ول ٷيگە كٶلٸكپەن كەلە جاتىر. بٸزگە قر سىرتقى ٸستەر مينيسترلٸگٸ كٶمەك كٶرسەتتٸ. ول تۋريستەرمەن بٸرگە قوناق ٷيدە بولدى», - دەپ تٷسٸندٸردٸ جاسٶسپٸرٸمنٸڭ اناسى.
ونىڭ سٶزٸنە قاراعاندا, كونسۋلدىق بالانىڭ ەلٸمٸزگە ساپارلاۋى ٷشٸن انىقتاما بەرگەن. وسى قۇجات ارقىلى ول قازاقستانعا اتتاندى.
«بٸزدٸڭ مينيسترلٸك ٶكٸلدەرٸ قىزىمدى ۇشاقتىڭ بورتىنا دەيٸن اپارىپ, مٸنگٸزدٸ. وسى ورايدا سىرتقى ٸستەر مينيسترلٸگٸ قىزمەتكەرلەرٸ بالامنىڭ كٸممەن, قاشان جەنە قالاي باراتىنىن تىڭعىلىقتى ناقتىلاپ بەردٸ», - دەدٸ ا. نەسٸپباەۆا.
تٷركييادا وقشاۋلاۋعا جاتقىزىلعان قىزدىڭ ەكەسٸ بۇل وقيعانىڭ مەن-جايىنان حاباردار ەكەن. سونىمەن قاتار بۇرىنعى كٷيەۋٸنٸڭ قازٸرگٸ زايىبىمەن اسىل نەسٸپباەۆا بايلانىسقا شىققان.
«مەن ونى ەۋەجايدا قارسى الدىم. ونى جاۋاپقا تارتۋعا قاتىستى پوليتسيياعا شاعىم تٷسٸردٸم. ساعات 18:35 كەزٸندە ول ەلگە ۇشاقپەن كەلدٸ. سول جەردەن ونى بٸردەن پوليتسيياعا جەتكٸزدٸ. پوليتسييا مەنٸ جەبٸرلەنۋشٸ رەتٸندە تٸركەدٸ. اتالعان وقيعاعا قاتىستى قىلمىستىق ٸس قوزعالدى», - دەدٸ بالانىڭ اناسى.
ونىڭ اتاپ ٶتۋٸنشە, قىزدىڭ ٶگەي اناسى بۇل جاعدايدا بالانىڭ ٶزٸ تٶلقۇجاتىن جوعالتىپ العانىن ايتىپ اقتالعان.
«بٸز توميريستٸ (قىزدىڭ ەسٸمٸ) كٷتٸپ وتىرمىز. ودان وسىنىڭ مەن-جايىن تولىق سۇراستىرامىن», - دەدٸ ا. نەسٸپباەۆا.
بۇدان بۇرىن حابارلانعانداي, جاقىندا 15 جاستاعى قازاقستاندىق قىزدى سەنٸمدٸ ٶكٸلٸ تٷركيياداعى انتالييانىڭ ەۋەجايىندا قالدىرىپ كەتكەن.
بەلگٸلٸ بولعانداي, اتالعان سەنٸمدٸ ٶكٸل قىزدىڭ ەكەسٸمەن ازاماتتىق نەكەدە ەكەن. ولار تٷركييادان قازاقستانعا اتتانار الدىندا جەتكٸنشەكتٸڭ پاسپورتى جوعالعانى انىقتالدى.
ٶز كەزەگٸندە قىزدىڭ اناسى اسىل بۇل وقيعانىڭ مەن-جايىن ايتىپ بەردٸ.
«مەنٸڭ بالام بۇرىنعى كٷيەۋٸمنٸڭ وتباسىمەن تٷركييادا دەمالۋعا بارعان ەدٸ. وسى ورايدا سەنٸمحات بۇرىنعى كٷيەۋٸمنٸڭ زايىبىنا جازىلعان ەدٸ, سەبەبٸ ولار بٸر كٷن بۇرىن (5-ٸنەن 6 تامىزعا قاراعان تٷنٸ) ساپارلاۋعا تيٸس ەدٸ. ال قىزىمنىڭ ەكەسٸ ەكٸ كٷننەن كەيٸن تٷركيياعا بارماقشى بولدى. سوندىقتان سەنٸمحاتتى بەرٸپ, بالا امان-ەسەن جەتتٸ. ال قازاقستانعا شىعار كەزدە, ەلگە ورالا الماي قالدى. ساعات 10:30 كەزٸندە ماعان حابارلاسىپ, ەۋەجايدا قالعانىن ايتتى. ٶگەي اناسى بالانىڭ تٶلقۇجاتىن جوعالتىپ العان», - دەدٸ قىزدىڭ اناسى.
