حالىقارالىق جازعى مەكتەپ اياسىندا تٷركييانىڭ انتالييا پروۆينتسيياسىندا جٷرگەن استانا مەديتسينالىق ۋنيۆەرسيتەتٸنٸڭ ستۋدەنتتەرٸ مەن وقىتۋشىلارى ٶرتتەن زارداپ شەككەندەرگە كٶمەك كٶرسەتكەن, دەپ حابارلايدى "ۇلت اقپارات".
بۇل تۋرالى استانا مەديتسينالىق ۋنيۆەرسيتەتٸنٸڭ باستاۋىش كەسٸپوداق ۇيىمىنىڭ تٶراعاسى ەرجان قۇسپاەۆ Facebook پاراقشاسىندا جازدى.
«تٷركييانىڭ كۋرورتتىق قالالارىندا, ەسٸرەسە انتالييانىڭ ماڭىندا ورمان ٶرتٸ ٶرشٸپ تۇر, ادام شىعىنى بار. بۇل كٷندەرٸ بٸز انتالييادا بولدىق. انتاليياعا حالىقارالىق جازعى مەكتەپ اياسىندا بارعان استانا مەديتسينالىق ۋنيۆەرسيتەتٸنٸڭ بارشا ستۋدەنتتەرٸ مەن وقىتۋشىلارى گۋمانيتارلىق كٶمەك ورتالىعىنىڭ جۇمىسىنا اتسالىستى. ولار قولدان كەلگەنشە كٶمەك كٶرسەتٸپ, ٶرتتەن زارداپ شەككەن تۇرعىندارعا ەلدٸڭ تٷكپٸر-تٷكٸپٸرٸنەن اعىلىپ جاتقان ازىق-تٷلٸك پەن سۋسىنداردى كٶلٸكتەردەن تٷسٸرٸستٸ. گۋمانيتارلىق كٶمەك تيەگەن كاماز-دار بٸر ساعاتتىڭ ٸشٸندە بوساپ, قايتا جولعا شىعىپ جاتتى. بٸز قايىرىمدىلىق ٸسكە قاتىسىپ, زارداپ شەككەندەرگە قانداي دا بٸر كٶمەك كٶرسەتە العانىمىزعا قۋانىشتىمىز», - دەپ جازدى ۋنيۆەرسيتەت ٶكٸلٸ.
تٷركيياداعى تٶتەنشە وقيعاعا قازاقستاندىقتاردىڭ قانشالىقتى الاڭداپ وتىرعانىن وسى پوستىڭ استىنا جازىلىپ جاتقان پٸكٸرلەردەن كٶرۋگە بولادى. جەلٸ قولدانۋشىلارىنىڭ بٸرٸ قازٸر سونداعى احۋال قانداي ەكەنٸن سۇراسا, تاعى بٸر توپ قولدانۋشىلار سىن ساعاتتا كٶمەككە ۇمتىلعان ەلگەزەك وتانداستارىنا قولداۋ بٸلدٸرٸپ, العىس ايتۋدا.
ەسكە سالساق, تٷرٸك رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ ابزال ساپاربەكۇلى Facebook-تەگٸ پاراقشاسىندا انتالييا پروۆينتسيياسىنداعى الاپات ٶرتتەن زارداپ شەككەندەر اراسىندا قازاقستان ازاماتتارى جوق ەكەنٸن جازعان بولاتىن.
رەسمي مەلٸمەت بويىنشا 28 شٸلدەدە تۇتانعان ورمان ٶرتٸنەن 3 ادام كٶز جۇمعان. جالپى تٸلسٸز جاۋدان زارداپ شەككەن 122 ادامنىڭ 58-ٸ اۋرۋحاناعا جەتكٸزٸلگەن.
