فوتو: aliokapov/Instagram
بەلگٸلٸ ەنشٸ ەلي وقاپوۆ كٷتپەگەن مەلٸمدەمە جاسادى. ول ەلەۋمەتتٸك جەلٸدەگٸ شۋدان سوڭ بارلىق ماراپاتىنان باس تارتتى, - دەپ حابارلايدى "ۇلت اقپارات".
«قادٸرلٸ دوستار, ەرٸپتەستەر جەنە وسى بەينەجازبانى كٶرٸپ وتىرعان جاندار.
سوڭعى وقيعالار وسىلاي قىزۋ تالقىلانادى دەپ كٷتپەدٸم. بٸراق ەشتەڭەنٸ بايقاماعانداي, ەشتەڭەگە مەن بەرمەگەندەي جٷرە المايمىن. وسى ۆيدەو ارقىلى مەن 32 جىل عۇمىرىمدا تەلەارنالار مەن راديوستانتسييالاردان, قوعامدىق ۇيىمداردان, جەكە جوبالاردان العان بارلىق مۋزىكالىق ماراپاتتان باس تارتاتىنىمدى جەتكٸزگٸم كەلەدٸ. مۇنى باياعىدان جاساعىم كەپ جٷر ەدٸ, سەبەبٸ كٸشكەنتاي ۇلىما جەكە بٶلمە قاجەت, ال كابينەتتٸڭ سٶرەلەرٸندە تۇرعان تەمٸر جٷلدەلەر ول ٷشٸن ٶتە قاۋٸپتٸ. ەندٸ, مٸنە, وسىنى جاساۋدىڭ سەتٸ تٷستٸ.
مەملەكەتتٸك ناگرادالارعا كەلسەك, ولاردا قر مەملەكەتتٸك رەمٸزدەرٸ بولعاندىقتان, بۇل جەردە جاعداي كٷردەلٸ. مەن زاڭداردى زەرتتەپ, قايتارۋ نورماتيۆتەرٸ تۋرالى ٸزدەندٸم. الايدا ەشتەڭە دە تاپپادىم. مۇنداي نورما جوق. مەنٸڭشە, بۇلاي ەشكٸم جاساماعان. سول سەبەپتٸ بۇل ناگرادالار ۋەكٸلەتتٸ ورگاننىڭ شەشٸمٸن كٷتەدٸ. شەشٸم قانداي بولسا, سولاي جاسايمىن. ياعني مەنەن تالاپ ەتٸلەتٸن نەرسەنٸڭ بەرٸن ٸستەۋگە دايىنمىن" - دەيدٸ ەنشٸ.
سونىمەن قاتار ەلي مەدەنيەت جەنە اقپارات مينيسترلٸگٸنە العىس بٸلدٸردٸ.
"ماراپات بەرۋگە اتسالىسقان ادامدارعا العىس ايتامىن. مەن ەشتەڭە سۇراعان جوقپىن, تٸپتٸ, بٸلمەدٸم. ەرتەڭ ماراپاتتاۋ رەسٸمٸنە قاتىسۋىم كەرەك ەكەنٸن تٷندە حابارلادى. ماراپاتتاۋعا كەلگەن كەزدە دە نە كٷتٸپ تۇرعانىن بٸلمەدٸم. (...)
جالپى, ەرتٸس ٷشٸن حالىقتىڭ قوشەمەتٸنەن جوعارى ماراپات جوق دەپ ويلايمىن.
مەن - باقىتتى اداممىن. وتباسىم, مۋزىكام, تىڭدارمانىم بار.
ال ەڭ ٷلكەن ماراپات پە اتاعىمدى 17 اقپاندا - ەكە اتانعان كەزٸمدە الدىم. سول اتقا لايىق بولۋعا تىرىسامىن. جالپى, ەگەر دە مەن بٸرەۋدٸ رەنجٸتكەن بولسام, كەشٸرٸم سۇرايمىن, ولاي بولعانىن قالاعان جوقپىن. سونداي-اق مەنٸ جاقتاپ جاتقان جاندارعا العىسىم شەكسٸز.
شىنىمدى ايتسام, جاھاندىق دەڭگەيدە قورقىنىشتى ەشتەڭە دە بولمادى. قۇدايعا شٷكٸر, ەشكٸم زارداپ شەككەن جوق. تاريحتىڭ بۇل پاراعىنان ٶتٸپ, شىنىمەن دە ماڭىزدى سۇراقتار مەن مەسەلەلەرگە نازار اۋدارا الامىز.
مەن جاسپىن, بەرٸ الدا دەپ ٷمٸتتەنەمٸن. بەلكٸم, وسى رٶلگە سەيكەس كەلمەيتٸن شىعارمىن, بۇل دا قالىپتى جاعداي. سوندىقتان تاسقىن وقاپوۆتىڭ, روزا رىمباەۆانىڭ ۇلى, ەرٸ قاراپايىم پوپ-ورىنداۋشى رەتٸندە كەشٸرٸم سۇرايمىن. بارشاڭىزدى قۇشاقتادىم, العىسىمدى بٸلدٸرەمٸن", - دەپ تٷيٸندەدٸ ەنشٸ.
ەسكە سالايىق, كەشە عانا ەلي وقاپوۆ "قۇرمەت" وردەنٸنٸڭ يەگەرٸ اتانعان بولاتىن. بۇل جەيتقا بايلانىستى جەلٸ قولدانۋشىلارى ەرتٷرلٸ پٸكٸر قالدىرعان.
"بٷگٸن "قۇرمەت" وردەنٸنٸڭ يەگەرٸ اتاندىم! شىنىمەن كٷتپەگەن جاعداي بولدى. ەرينە, كٶپ راقمەت! وسى اتاققا لايىق ەڭبەك ەتۋگە, ماعان ارتقان سەنٸمدٸ اقتاۋعا بارىمدى سالامىن. قۇتتىقتاۋلارىڭىزعا راقمەت! باسىمدى يەمٸن!", - دەپ جازدى ەنشٸنٸڭ ٶزٸ.
فوتو: aliokapov/Instagram
