نۇر-سۇلتان قالاسىنداعى №2 كٶپبەيٸندٸ قالالىق اۋرۋحاناسى وتباسىن جوسپارلاۋ ورتالىعىنىڭ گينەكولوگ-ەندوكرينولوگى ايگٷل مۇساباەۆا بالا سٷيگٸسٸ كەلگەن جۇپتار مەن انالار «اڭساعان سەبي» باعدارلاماسى ارقىلى نەشە رەت ەكستراكورپورالدى ۇرىقتاندىرۋعا قاتىسا الاتىنىن ايتتى, دەپ حابارلايدى قازاقپارات.
«ەكستراكورپورالدى ۇرىقتاندىرۋدى جىلىنا بٸر رەت جاساۋعا بولادى. الدىڭعى «ەكو» نەتيجەسٸز ٶتسە, كەلەسٸ جىلى دايىندالىپ, قايتادان تەگٸن جاساتا الادى. ياعني, الدىڭعى «ەكو» نەتيجەسٸز بولعاندىقتان, مەملەكەت تاراپىنان قايتا تەگٸن كٶمەك الۋعا قۇقىلى», - دەدٸ مامان ورتالىق كوممۋنيكاتسييالار قىزمەتٸندە ٶتكەن بريفينگٸدە.
سونداي-اق, ول «اڭساعان سەبي» باعدارلاماسى بويىنشا قانداي جۇپتار جيٸ جٷگٸنٸپ جاتقانىن ايتتى.
«بەدەۋلٸكتٸڭ ەكٸ تٷرٸ بار. بٸرٸ تۋا پايدا بولسا, ەكٸنشٸسٸ جٷرە پايدا بولادى. بٸزگە سولاردىڭ ٸشٸندە كٶبٸنە جٷرە پايدا بولعان اقاۋلاردىڭ, جٷرە پايدا بولعان سوزىلمالى اۋرۋلاردىڭ سالدارىنان بەدەۋلٸككە شالدىققان ادامدار جيٸ كەلٸپ جاتىر», - دەدٸ ايگٷل مۇساباەۆا.
