Nur-Sultan qalasyndaǵy №2 kópbeiindi qalalyq aýrýhanasy otbasyn josparlaý ortalyǵynyń ginekolog-endokrinology Aigúl Musabaeva bala súigisi kelgen juptar men analar «Ańsaǵan sábi» baǵdarlamasy arqyly neshe ret ekstrakorporaldy uryqtandyrýǵa qatysa alatynyn aitty, dep habarlaidy QazAqparat.
«Ekstrakorporaldy uryqtandyrýdy jylyna bir ret jasaýǵa bolady. Aldyńǵy «eko» nátijesiz ótse, kelesi jyly daiyndalyp, qaitadan tegin jasata alady. Iaǵni, aldyńǵy «eko» nátijesiz bolǵandyqtan, memleket tarapynan qaita tegin kómek alýǵa quqyly», - dedi maman ortalyq kommýnikatsiialar qyzmetinde ótken brifingide.
Sondai-aq, ol «Ańsaǵan sábi» baǵdarlamasy boiynsha qandai juptar jii júginip jatqanyn aitty.
«Bedeýliktiń eki túri bar. Biri týa paida bolsa, ekinshisi júre paida bolady. Bizge solardyń ishinde kóbine júre paida bolǵan aqaýlardyń, júre paida bolǵan sozylmaly aýrýlardyń saldarynan bedeýlikke shaldyqqan adamdar jii kelip jatyr», - dedi Aigúl Musabaeva.
