تانىمال تەلەجٷرگٸزۋشٸ اننا دانچەنكو جاقىندا ٶمٸردەن ٶتكەن اناسى تۋرالى ەستەلٸگٸن بٶلٸسٸپ, ەلەۋمەتتٸك جەلٸدە جٷرەك تەبٸرەنتەر جازبا جارييالادى, دەپ حابارلايدى ult.kz.
تەلەجٷرگٸزۋشٸ اناسىنىڭ قازاسىنان كەيٸن كٶڭٸلٸ بوساپ جٷرگەنٸنە قاراماستان, توي جٷرگٸزۋگە تۋرا كەلگەنٸن ايتتى. ونىڭ سٶزٸنشە, شارا يەلەرٸ ونى بٸرنەشە اي بۇرىن شاقىرىپ قويعاندىقتان, ۇسىنىستان باس تارتۋعا ىڭعايسىزدانعان.
«جٷرەگٸڭ جارالى, بٸراق توي جٷرگٸزٸپ جٷرسٸڭ… بٸرەۋدٸڭ قۋانىشىن بۇزۋعا مەنٸڭ قۇقىعىم جوق. توي يەلەرٸ ٷلكەن ٶتٸنٸشپەن جاز باسىندا شاقىرىپ قويعان ەدٸ. باس تارتا المادىم, ىڭعايسىزداندىم», – دەپ جازدى اننا دانچەنكو.
ول توي بارىسىندا اناسىنىڭ قوڭىراۋىن كٷتۋمەن بولعانىن دا ايتتى. ەدەتتە اناسى حابارلاسىپ, تاماقتانۋىن ەسكەرتٸپ, ٷيدە كٷتٸپ وتىراتىن.
«قايتا-قايتا تەلەفونعا قارايمىن. انام حابارلاسۋشى ەدٸ: “تاماق ٸشٸپ جٷر, مەن سەنٸ ٷيدە كٷتٸپ وتىرمىن” دەپ», – دەپ ەسكە الدى تەلەجٷرگٸزۋشٸ.
ايتا كەتەيٸك, بۇعان دەيٸن تەلەجٷرگٸزۋشٸنٸڭ اناسى كٶز جۇمعانىن حابارلاعان ەدٸك. سونىمەن قاتار, بۇعان دەيٸن اننا دانچەنكو تانىمال پسيحولوگ ينديرا راززاقتان سۇحبات العان.
اننا دانچەنكو كٸم?
اننا دانچەنكو – قازاقستاندىق جۋرناليست, تەلەجٷرگٸزۋشٸ جەنە وقىتۋشى. ول قىزىلوردا وبلىسىنداعى ارال قالاسىندا ٶسٸپ, مەكتەپتٸ دە سول جەردە اياقتاعان.
اننا دانچەنكو جوعارى وقۋ ورنىندا جۋرناليستيكا ماماندىعىن وقىماعان. سوعان قاراماستان, تەلەۆيزييا سالاسىنا قىزىعۋشىلىق تانىتىپ, كەسٸبي جولىن وسى باعىتپەن بايلانىستىرعان. ونىڭ نەگٸزگٸ بٸلٸمٸ پەداگوگيكا سالاسىنا قاتىستى. كەيٸن فيلولوگييا بويىنشا ماگيستر دەرەجەسٸن الىپ, 2019 جىلى PhD دەرەجەسٸن يەلەنگەن.
تەلەۆيزيياداعى ەڭبەك جولىن اقتٶبە وبلىستىق تەلەارناسىندا باستاعان. العاشقى جىلدارى تاڭعى باعدارلامانى جٷرگٸزٸپ, ەفيردەگٸ تەجٸريبەسٸن شىڭدادى. كەيٸن 31 ارناعا اۋىسىپ, جاڭالىقتار مەن اۆتورلىق جوبالاردىڭ جٷرگٸزۋشٸسٸ رەتٸندە كٶرەرمەنگە كەڭٸنەن تانىلا باستادى. اننا دانچەنكونى كٶپشٸلٸك "ٶمٸر جەنە ٶنەر", "ايتا بەرسٸن" سيياقتى باعدارلامالار ارقىلى دا جاقسى بٸلەدٸ. ەر جىلدارى نتك تەلەارناسىندا تٸكەلەي ەفير جٷرگٸزٸپ, كەيٸن "جەتٸنشٸ ارنانىڭ" جوبالارىنا دا قاتىستى.
جۋرناليستٸك قىزمەتٸمەن قاتار, ول ۇستازدىق باعىتتا دا ەڭبەك ەتتٸ. ەل-فارابي اتىنداعى قازاق ۇلتتىق ۋنيۆەرسيتەتٸندە جۋرناليستيكا جەنە فيلولوگييا سالالارى بويىنشا ستۋدەنتتەرگە ساباق بەرگەن.
اننا دانچەنكو قازاق, ورىس جەنە اعىلشىن تٸلدەرٸن مەڭگەرگەن. قازاق تٸلٸندەگٸ تەلەۆيزييالىق جوبالاردى جٷرگٸزۋٸ ارقىلى ول وتاندىق مەديا كەڭٸستٸكتە ٶزٸندٸك قولتاڭباسىن قالىپتاستىرعان جۋرناليستەردٸڭ بٸرٸ سانالادى.
سونىمەن قاتار, جۋرناليست جۋىردا عانا سوتتالعان نۇرسۇلتان جاقسىگەننەن دە سۇحبات العان.
