قازاقستاننىڭ تٷركيياداعى ەلشٸلٸگٸ, حالىقارالىق تٷركٸ اكادەميياسى جەنە ەۋرازييا جازۋشىلار وداعىنىڭ ۇيىمداستىرۋىمەن «ۇلى دالانىڭ ۇلى تۇلعالارى ەل-فارابي, اباي جەنە جامبىل» اتتى ٸس-شارا ٶتتٸ, دەپ حابارلايدى قر سٸم باسپاسٶز قىزمەتٸ.
بۇل جيىن عالىم ەرٸ فيلوسوف ەبۋ ناسىر ەل-فارابيدٸڭ تۋعانىنا 1150 جىل جەنە اقىن ەرٸ ويشىل اباي قۇنانبايۇلىنىڭ تۋعانىنا 175 جىل تولۋىنا وراي 2020 جىلى باستالعان ەسكە الۋ شارالارىنىڭ ٷيلەسٸمدٸ جالعاسى بولدى. 2021 جىلى ۇلى دالا اقىندىق دەستٷرٸنٸڭ كٶرنەكتٸ ٶكٸلٸ جامبىل جاباەۆتىڭ تۋعانىنا 175 جىل تولىپ وتىرعانى مەلٸم.
ٸس-شارادا سٶز سٶيلەگەن قازاقستان ەلشٸسٸ ابزال ساپاربەكۇلى 2020 ەل-فارابي جەنە اباي جىلى اياسىندا تٷركييادا قىرۋار شارۋا اتقارىلىپ: كٶشەلەرگە, پاركتەر مەن تٷرلٸ مەكەمەلەرگە دالا دانىشپاندارىنىڭ اتتارى بەرٸلگەنٸن, ەسكەرتكٸشتەرٸ اشىلدى, كٸتاپتارى تٷرٸك تٸلٸندە جارىق كٶرگەنٸن جەتكٸزدٸ. 2021 جىلى جامبىلدىڭ مۇراسىن تانىتۋ جىلى بولاتىنىن ايتقان ەلشٸ جامبىلدىڭ شىعارمالارىن قازاق حالقىنىڭ مەدەني ەنتسيكلوپەديياسى جەنە رۋحاني قازىناسى رەتٸندە سيپاتتادى.
2021 جىلدىڭ بٷكٸل تٷركٸ ەلەمٸ ٷشٸن ماڭىزدى مەرەيتويلاردى اتاپ ٶتەتٸن جىل بولاتىنىن ەسكە سالعان ا.ساپاربەكۇلى ەلٸمٸزدٸڭ تەۋەلسٸزدٸگٸنٸڭ 30 جىلدىق مەرەيتويىنىڭ اتالىپ ٶتٸلەتٸنٸن ايتتى. ەلشٸ تٷركييانىڭ قازاقستاننىڭ تەۋەلسٸزدٸگٸن العاش مويىنداعان ەل بولعانىن اتاپ ٶتٸپ, «وسىعان بايلانىستى تٷركييادا بٸز كەڭ اۋقىمدى ٸس-شارالار ٶتكٸزۋدٸ جوسپارلاپ وتىرمىز», - دەدٸ. ەلشٸ تەۋەلسٸزدٸكتٸڭ 30 جىلدىعىمەن قاتار, قازاقستان تاريحىنداعى بٸرقاتار ماڭىزدى وقيعالاردىڭ جىلدىقتارى مەن بەلگٸلٸ تۇلعالاردىڭ مەرەيتويلارىنىڭ اتالىپ ٶتەلٸتٸنٸن مەلٸمدەدٸ.
ٸس-شارادا سٶز سٶيلەگەن حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ تٷرٸك حالقىنا اتاجۇرت قازاقستاننىڭ ىستىق سەلەمٸن بٸلدٸرە وتىرىپ, پاندەميياعا قاراماستان, اباي مەرەيتويىنىڭ تٷركييادا ٶتە اۋقىمدى تويلانۋىنىڭ تٷرٸك حالقىنىڭ قازاقستانعا دەگەن ىستىق ىقىلاسىنىڭ كٶرسەتكٸشٸ بولىپ تابىلاتىنىن ايتتى. «احمەت ياساۋي, سۇلتان الپارسلان, حاجى بەكتاش ۆەلي, احي ەۆران, فارابي, اباي جەنە جامبىل – بٸزدٸڭ ورتاق قۇندىلىقتارىمىز» دەپ ايتقان د.قىدىرەلٸ وسى تۇلعالار ارقىلى تٷركٸ ەلەمٸنٸڭ بٸرلٸگٸ نىعايىپ كەلە جاتقانىنا نازار اۋداردى.
ەۋرازييا جازۋشىلار وداعىنىڭ تٶراعاسى ياكۋپ ٶمەروعلۋ ەل-فارابي, اباي جەنە جامبىلعا ارنالعان وسى ٸس-شارا بولعان كٷنٸ انكارادا دانىشپان تونىكٶكتٸڭ ەسكەرتكٸشٸنٸڭ اشىلۋىن جاقسىلىقتىڭ بٸر نىشانى دەپ جوردى. ٶمەروعلۋ «دالا ەدەبيەتٸنٸڭ ۇلى اقىنى جامبىل» كٸتابىنىڭ اۆتورى مىرزاتاي جولداسبەكوۆتىڭ ٶز ەڭبەگٸندە ورحون ەسكەرتكٸشتەرٸ مەن جامبىلدىڭ اقىندىق دەستٷرٸ اراسىنداعى ساباقتاستىقتى پاش ەتكەنٸن مەلٸمدەدٸ.
ٸس-شارادا سٶز سٶيلەگەن تٷركسوي باس حاتشىسى دٷيسەن قاسەينوۆ 2020 جىلى ەل-فارابي مەن اباي جىلىنا ارنالعان ٸس-شارالار تۋرالى اقپارات بەردٸ. ەل-فارابيدٸڭ «مۋزىكانىڭ ٷلكەن كٸتابى» ارابشادان تٷرٸكشەگە اۋدارىلىپ جاتقانىن ايتقان د.قاسەينوۆ جاڭا باسىلىمنىڭ جاقىندا وقىرماندارىمەن قاۋىشاتىنىن جەتكٸزٸپ, سٷيٸنشٸ بەردٸ. سونىمەن بٸرگە, ول تٷركسوي-دىڭ 2021 جىلى جامبىلدىڭ مەرەيتويىنىڭ لايىقتى تٷردە اتاپ ٶتۋ ٷشٸن بار كٷشٸمەن جۇمىس ٸستەيتٸنٸن مەلٸمدەدٸ.
سالتاناتتى سٶزدەردەن كەيٸن م.جولداسبەكوۆتىڭ «دالا ەدەبيەتٸنٸڭ ۇلى اقىنى جامبىل» كٸتابىنىڭ تٷرٸكشەگە اۋدارىلعان نۇسقاسىنىڭ تۇساۋكەسەرٸ بولدى. وسىدان كەيٸن, 2020 جىلى ەل-فارابي مەن ابايدىڭ تٷركييادا تانىلۋىنا ٷلەس قوسقان عالىمدار, جۋرناليستتەر مەن مەملەكەتتٸك قايراتكەرلەر قر پرەزيدەنتٸنٸڭ, حالىقارالىق تٷركٸ اكادەميياسىنىڭ, قر مەدەنيەت جەنە سپورت مينيسترلٸگٸنٸڭ جەنە قازاقستان ەلشٸلٸگٸنٸڭ العىس حاتتارى جەنە مەدالدارىمەن ماراپاتتالدى. اتاپ ايتقاندا, «ۇلتتىق كٶزقاراس» جۋرنالىنىڭ باس رەداكتورى, Tٷركييا پارلامەنتٸ دەپۋتاتى مەتين گٷندوعدۋعا, TRT Avaz ارناسىنىڭ ٷيلەستٸرۋشٸسٸ سەدات ساعىركاياعا جەنە پامۋككالە ۋنيۆەرسيتەتٸنٸڭ پروفەسسورى نەرگيز بيرايعا پرەزيدەنت قاسىم-جومارت توقاەۆتىڭ العىس حاتتارى تابىستالدى.
.jpeg)