تٷركيياداعى رەسەي ەلشٸسٸ اندرەي كارلوۆقا 19 جەلتوقسان كٷنٸ انكارا قالاسىندا قاستاندىق جاسالدى. تٷركييالىق NTV تەلەارناسىنىڭ حابارلاۋىنشا, كٶركەمسۋرەت گالەرەياسى ٸشٸندە "انكارا پوليتسەيٸ مەۆليۋت مەرت التينتاش" دەپ سيپاتتالعان شابۋىل جاساۋشى كارلوۆقا وق اتقان.
Hurriyet گازەتٸنٸڭ اعىلشىن تٸلدٸ ۆەبسايتىنىڭ جازۋىنشا, ەلشٸ اندرەي كارلوۆ گالەرەيادا ٶتكەن مەدەني شارادا سٶز سٶيلەپ تۇرعاندا وق تيٸپ جارالانعان. كەيٸن بەلگٸلٸ بولعانداي, ول كٶپ ۇزاماي اۋرۋحانادا كٶز جۇمعان. قاستاندىقتان سوڭ عيماراتتى تٷركييانىڭ ارنايى جاساعى قورشاپ الدى. پوليتسەيلەر وعان شابۋىل جاساعان ادامنىڭ كٶزٸن جويعان.
رەسەي سٸم ٶكٸلدەرٸ تٷركيياداعى ەلشٸنٸڭ قاستاندىقتان قازا بولعانىن راستاپ ٷلگەردٸ. "بۇل كٷن - رەسەي فەدەراتسيياسىنىڭ تاريحىنداعى قاسٸرەتتٸ كٷندەردٸڭ بٸرٸ. انكارادا قوعامدىق ٸس-شارادا رەسەي فەدەراتسيياسىنىڭ ەلشٸسٸ اندرەي كارلوۆقا قاستاندىق جاسالىپ, ول قازا تاپتى", - دەپ حابارلادى رەسەي سٸم رەسمي ٶكٸلٸ مارييا زاحاروۆا.
ول اندرەي كارلوۆ قازا تاپقان انكارادا بولعان وقيعانى "تەرروريستٸك اكت" دەپ اتادى. "وقيعانى "تەرروريستٸك اكت" دەپ تانيمىز. تٷرٸك رەسمي ٶكٸلدەرٸمەن بايلانىستامىز, ولاردان جان-جاقتى تەرگەۋ جٷرگٸزٸلەتٸنٸ جايلى حابار الدىق", - دەدٸ سٸم ٶكٸلٸ.
سونىمەن قاتار, تٷرٸك بيلٸگٸنٸڭ رەسەيدٸڭ انكاراداعى ەلشٸلٸگٸنٸڭ كٷزەتٸن كٷشەيتكەنٸ حابارلانىپ وتىر.
ال مەملەكەتتٸك دۋمانىڭ ٶكٸلدەرٸ رف-نىڭ تٷركيياداعى ەلشٸسٸنە جاسالعان شابۋىلدى ەكٸ ەلدٸڭ اراسىنداعى قارىم-قاتىناستى بۇزۋ ٷشٸن جاسالعان دەپ مەلٸمدەپ, وسى قىلمىستى جان-جاقتى تەرگەۋگە الۋ كەرەك ەكەنٸن اتاپ ٶتتٸ.
رەسەي مەن تٷركييا - سيريياداعى ازاماتتىق سوعىسقا ارالاسقان ەلدەر. بەس جارىم جىلدان استام ۋاقىتقا سوزىلعان سوعىس كەزٸندە رەسەي سيرييانىڭ اۆتوكرات پرەزيدەنتٸ باشار اسادتى قولداپ, بىلتىر وپپوزيتسييالىق كٶتەرٸلٸسشٸلەرگە قارسى ەسكەر كٸرگٸزدٸ. تٷركٸتٸلدەس از ساندى ەتنوستاردىڭ قاۋٸپسٸزدٸگٸن ساقتاۋ دەگەن جەلەۋمەن تٷركييا دا سيريياعا ەسكەر كٸرگٸزٸپ, شەكارانىڭ ەكٸ بەتٸندەگٸ كٷرد جاساقتارىنا قارسى وپەراتسييا جٷرگٸزٸپ جاتىر. ەلدەن ەكٸ ميلليون سيرييالىق بوسىپ كەتتٸ.
بٸرقاتار جەتەكشٸ ەلەمدٸك باق-تىڭ جازۋىنشا, "ەلشٸگە تٷرٸك پوليتسەي رەسەيدٸڭ الەپپوداعى ٸس-ەرەكەتٸ ٷشٸن شابۋىل جاساعانعا ۇقسايدى". ٶنەر گالەرەياسىندا جاسالعان شابۋىل كەزٸندە بٸرنەشە ادام جارالانعان. بٸر كٷن بۇرىن تٷركييادا رەسەيدٸڭ سيرييا پرەزيدەنتٸ باشار اسادتى قولداعانىن ايىپتاعان قوعامدىق نارازىلىق اكتسيياسى ٶتكەن.
ديپلوماتتىڭ دەنەسٸ جەتكٸزٸلگەن اۋرۋحانا الدىندا جۋرناليستەرگە سۇحبات بەرگەن انكارانىڭ مەرٸ مەليح گوكچەك "بۇل قاستاندىق تٷركييانىڭ رەسەيمەن قارىم-قاتىناسىن بۇزۋدى كٶزدەگەن" دەدٸ.
ۇلت پورتالى
