سيرييانىڭ سولتٷستٸگٸندەگٸ ەل-راي قالاسىندا جٷرگەن تٷرٸك ەسكەري تەحنيكالارى. 2 ناۋرىز 2017 جىل.
تٷركييا سيرييانىڭ سولتٷستٸگٸندەگٸ "ەۆفرات قالقانى" دەپ اتالاتىن ەسكەري وپەراتسيياسىن اياقتاعانىن حابارلادى. بٸراق انكارا سيرييادان ەسكەرٸن شىعارۋ جوسپارى بار, يا جوعىن ايتپادى. تٷركييا پرەمەر-مينيسترٸ بينالي يىلدىرىم 29 ناۋرىزدا وپەراتسييانىڭ "تابىستى اياقتالعانىن" مەلٸمدەدٸ. دەگەنمەن ول جاقىن كەلەشەكتە سيرييادا جاڭا وپەراتسييا جٷرگٸزۋ مٷمكٸندٸگٸن جوققا شىعارمادى.
ٶتكەن جىلى تامىزدا باستاعان "ەۆفرات قالقانى" وپەراتسيياسىندا تٷرٸك جاياۋ ەسكەرٸ, تانكتەرٸ مەن اۆياتسيياسى سيرييانىڭ تٷركييامەن شەكارالاس اۋداندارىندا "يسلام مەملەكەتٸ" ەكسترەميستٸك ۇيىمى سودىرلارىمەن سوعىسىپ جاتقان "سيرييا ەرٸكتٸ ارميياسىنىڭ" (FSA) كٶتەرٸلٸسشٸلەرٸنە قولداۋ كٶرسەتكەن. FSA كٷشتەرٸ سونىمەن قاتار انكارا "تەرروريست" دەپ اتايتىن كٷرد كٶتەرٸلٸسشٸلەرٸمەن دە سوعىسىپ جاتىر.
"ەندٸگٸدە, يم نەمەسە باسقا قانداي دا بٸر ۇيىمداردان قاۋٸپسٸزدٸگٸمٸزگە قاتەر تٶنگەن جاعدايدا جاڭا ەسكەري وپەراتسييا باستالادى" دەدٸ يىلدىرىم.
تٷركييا مەن اقش سيرييادا پرەزيدەنت باشار اساد بيلٸگٸنە قارسى تٷرلٸ فراكتسييالاردى, ال رەسەي مەن يران اسادتى قولدايدى. اقش-تىڭ كٷرد جاساقتارىن, ونىڭ ٸشٸندە "سيرييانىڭ دەموكراتييالى كٷشتەرٸنٸڭ" (SDF) ەسكەري قاناتى - "حالىقتىق ٶزٸن-ٶزٸ قورعاۋ وتريادتارى" (YPG) كٷشتەرٸن قولداۋىنا بايلانىستى ۆاشينگتون مەن انكارا اراسىندا اسادقا قارسى تۇرۋ مەسەلەسٸندە ورتاۇق ۇستانىم جوق.
تٷركييا بيلٸگٸ "ەۆفرات قالقانى" وپەراتسيياسىنا قانشا ەسكەرٸ قاتىسقانىن ەشقاشان جارييا ەتپەگەن. تٷركييا سيرييامەن شەكارالاس اۋداندارىندا ەسكەرٸن ەلٸ ۇستاپ وتىر.
