سەناتور اندرەي لۋكين لومباردتار مەن ميكروقارجى ۇيىمدارىنىڭ جۇمىسىنا قاتىستى ولقىلىقتارعا جەنە قازٸرگٸ نورمالاردىڭ دۇرىس ورىندالماۋىنا بايلانىستى قازاقستاندىقتار زارداپ شەگۋگە مەجبٷر بولىپ وتىرعانىن ايتتى, دەپ حابارلايدى "ۇلت اقپارات".
وسىعان وراي دەپۋتات قارجى نارىعىن رەتتەۋ جەنە دامىتۋ اگەنتتٸگٸنە ساۋال جولداپ, قازٸرگٸ تاڭدا لومباردتار ٶز جۇمىسىن باستاعانى تۋرالى مەملەكەتتٸك ورگاندارعا ەسكەرتپەۋگە قۇقىلى ەكەنٸن اتاپ ٶتتٸ. بۇل ولاردىڭ قىزمەتٸ اگەنتتٸك تاراپىنان باقىلانىپ, رەتتەلمەيدٸ دەگەن سٶز. وسىنداي لومباردتاردى تەكسەرۋ مٷمكٸندٸگٸنٸڭ جوقتىعىنا بايلانىستى ولارعا قاتىستى قاندايدا بٸر ەكٸمشٸلٸك شارا قولدانۋ مٷمكٸن ەمەس.
سونىمەن قاتار سەناتور مۇنداي قارجى ۇيىمدارىنىڭ قىزمەتٸنە باقىلاۋ جٷرگٸزۋگە مٸندەتتٸ كەيبٸر مەملەكەتتٸك ورگاندار ەش ٸس-ەرەكەت جاساماي وتىرعانىن دا تٸلگە تيەك ەتتٸ.
سوندىقتان اندرەي لۋكين ميكروقارجى ۇيىمدارىنىڭ قىزمەتٸن باقىلاۋ ٷشٸن بٸرىڭعاي اقپاراتتىق جٷيە قالىپتاستىرۋدىڭ ماڭىزى زور دەپ ەسەپتەيدٸ. سونداي-اق, كەپٸلگە قويىلعان مٷلٸكتٸ ونىڭ يەسٸنە اۆتوماتتى تٷردە ەسكەرتە وتىرىپ, جارييا ساۋدا ٶتكٸزەتٸن پلاتفورما قاجەت. تٸركەلمەگەن بارلىق لومبارد زاڭدى تٷردە قايتادان قۇرىلۋعا نەمەسە مٷلدەم جابىلۋعا تيٸس. ودان بٶلەك, دەپۋتاتتىق ساۋالدا زايم بەرگەن كەزدەگٸ كوميسسييا كٶلەمٸن رەگلامەنتتەۋگە جەنە قاۋٸپسٸزدٸك پەن تەحنيكالىق جابدىقتاۋعا قويىلاتىن تالاپتارعا قاتىستى زاڭنامالاردى جەتٸلدٸرۋدٸڭ ماڭىزدى ەكەنٸ ايتىلدى.
