نۇر-سۇلتان قالاسىنىڭ پوليتسەيلەرٸ «ۋچاسكە» جەدەل-الدىن الۋ شاراسىنىڭ اياسىندا ٸشكٸ ٸستەر بٶلٸمٸندە ەسەپتە تۇرعان, وتباسىلىق-تۇرمىستىق قاتىناس سالاسىندا قۇقىق بۇزۋشىلىق جاساپ جٷرگەن, سپيرتتٸك ٸشٸمدٸككە ەۋەس تۇلعالاردى تۇرعىلىقتى مەكەنجايى بويىنشا تەكسەرٸپ جاتىر, دەپ حابارلايدى قازاقپارات نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
تەكسەرٸس كەزٸندە ۋچاسكەلٸك ينسپەكتورعا ەگدە جاستاعى ەيەل شاعىمدانىپ, 34 جاستاعى بالاسىنىڭ ٷيٸندە جانجال شىعارىپ, اقشاسىن تارتىپ الاتىنىن ايتتى.
ەر ادام بۇرىن تالاي رەت جاۋاپكەرشٸلٸككە تارتىلعان.
مامانداندىرىلعان اۋدانارالىق ەكٸمشٸلٸك سوتىنىڭ شەشٸمٸمەن ەر ادامعا 20 تەۋلٸك مەرزٸمگە قاماۋعا الۋ تٷرٸندەگٸ ەكٸمشٸلٸك جازا تاعايىندالعان.
ەسكە سالا كەتەيٸك, ەلوردا پوليتسەيلەرٸ 1 قىركٷيەكتەن باستاپ 1 جەلتوقسانعا دەيٸن نۇر-سۇلتان قالاسىنىڭ اۋماعىندا «ۋچاسكە» جەدەل-الدىن الۋ شاراسىن ٶتكٸزٸپ جاتىر.
شارا باستالعالى ۋچاسكەلٸك ينسپەكتورلار 120 مىڭنان استام پەتەر مەن 19 مىڭعا جۋىق جەكەمەنشٸك تٷرعىن ٷيگە باردى. ٸٸب-دا ەسەپتە تۇرعان 8 مىڭعا جۋىق ادام تەكسەرٸلگەن.
شارا بارىسىندا جالعا بەرٸلەتٸن بٸر مىڭعا جۋىق پەتەر انىقتالدى, ول تۋرالى اقپارات نۇر-سۇلتان قالاسى مەملەكەتتٸك كٸرٸستەر دەپارتامەنتٸنە جٸبەرٸلدٸ.
جالپى العاندا, جەدەل-الدىن الۋ شاراسى باستالعالى ەكٸمشٸلٸك جاۋاپكەرشٸلٸككە 16 مىڭنان استام ادام تارتىلعان.
